SIRADIN RAYUWA Complete Hausa Novel

*SIRAD'IN RAYUW

*_Wannan littafin na kudine,kuma amana ce a hannun duk wadda tasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa da kwanciyar hankali,babu cigiya,babu a dauko mana_*

*Zaku biya kudinku acikin wannan asusun namu na banki*ðŸ‘‡ðŸ‘‡

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

_saiku turawa wannnan numban shedan biyanku(evidence of payment)_ðŸ‘‡ðŸ‘‡

Â 0903Â 234Â 5899

*IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU*ðŸ‘‡ðŸ‘‡

09033181070

_akwai yiwuwar ganin sabbin qirqirarrun sunayen garuruwa da gurare_

1995

*Tushen Labarin*

Malam bilyaminu usman,haufaffen bafulatanin nijer a haihuwa da yare,ta wani fannin kuma d'an qasar *KAISA* kuma bahaushe magidanci mai halayya da dabi'u da al'adu irin na wasu daga bara gurbin hausawa,wadanda basu gama fahimtar abinda addini yayi magana akai ba kan iyali da haqqoqinsu dake bisa wuyan dukkan wani magidanci,walau saboda jahilci ko kuma sun take ne da gangan bisa son zuciyarsu da soye soyen rayuka.

Haifaffen agadez iyayensa dukkaninsu suka kasance xallar fulanin niger,fatauci da neman kudi yakawoshi qasar kaisa,wanda a yanzun ita tazame masa mazauni na dindin.

Shiga da saninki kusan shine laqabin da mutane suka yiwa gidansa bayan da halayyarsa tafito qarara na auri saki,mutum ne ma'abocin aure aure,wanda har hakan yazame masa jini da tsoka,bai kuma daukeshi a wani abun aibu ko abun Allah wadarai ba,ya auri mata aqalla da suka doshi goma,wanda mafi yawa daga cikinsu kowaccensu tana da yara a gidan,walau maza ko mata.

Yana da tarin yara da suka kusa su ashirin da biyar,wanda dukkaninsu warin takalmi ne,mutum biyu uku uwarsu daban,harda masu mutun d'ai d'ai da uwarsu ta haifesu su daya tak cikin wannan gurguxu zuga da harqalla ta gidan,kamar yadda BILKISU take 'ya daya tilo da mahaifiyarta tahaifa cikin gidan.

Kusan dukka wadan nan tarin yara nashi yara mata sunfi yawa,saidai mazan da aka soma haifa masa na farko farko mutum uku daga ciki sun tasa,babu wani batun samun sauyi salama ko tallafi daga tasawar da sukayi,domin suma kowannensu takanshi yakeyi,ci sha sutura ko muhalli mai kyau bai cikin tsarinsa bare akai ga jigo kuma uwa uba ilimi,hasalima za'a iya cewa baisan kwana da tashin wani cikin iyalinshi ba,kowa yana riqe ne da kanshi.

Saidai kash,dukka wadan nan halayen nasa hakan bai hana a bashi aure ba,a duk sanda tabusa mishi,ko ranshi ya raya masa,yayi katari da budurwa ko bazawarar da ranshi ya kwanta mai da ita,tofa bazaiyi qasa a gwiwa ba wajen zage qwanjinsa da qarfin aljihunsa koda qarfin aljihun wasunsa ta hanyar cin basussuka yakashe mata kudi yakawota gidanshi.

Dukkan matar daya aura takan fantama a lokuttan da take cikin amarci,takanyi yadda takeso,takumayi yadda taga dama,saidai kuma da zarar wannan dama ta subuce daga hannunta shikenan itama zata shiga sahun 'yan ci dakai da neman na wanki da wanka,wanda hakan kan sanya wasu kasa jurewa,wasunsu sukan kai harsu haihu,yayin da masu zuciya a kusa,masu qarancin haquri kan tafi da ciki su haife a gida,bayan wani lokaci su dawo masa da yaro ko yarinyar da aka samu.

Cikin dukka matan daya aura mutum biyu ne tak suka iya jumurin xama dashi,mace tafarko itace kattume,wanda itace matarsa uku daya aura,tana da yara a gidan balaifi,hakanan takama sana'a ka'in da na'in,tana daukan nauyin kanta dana yaranta,hakanan cikin yaran takan yiwa wanda taga dama,hatta shi kansa malam bilyamun wani lokaci yakanci cikin arziqinta,hakan yasanya babu ganin girma girmanawa ko ganin mutunci tsakaninsa da kattume,idan ta hadosu babu wanda bazaiji kansu ba,bata shakka ko shayin zazzaginsa,ko lafta mishi baqaqen maganganu,hakanan yake zaune da ita shima saboda wataran yakan jingina da ita,sa'annan tazama tamkar wata kujera a gidan,duk wani harqallarsa da auri sakinsa a gaban idanunta yakeyi,hakanan za'ayi zaman a gama yasallami mace yasake jajibo wata.

Mace ta biyu data juri zamanta a gidan kuwa itace maimunatu,maimunatu macen da bai taba auren matar dayaji sonta cikin jiki da zuciyarsa ba irinta,macen dayaso har zuwa randa tabar duniya,macen da haryau yake marmarinta duk da qasa tarufe idanunsa,macen da bata taba daga kai ta kalleshi ba duk da mugunyar halayyarsa.

Yakance maimunatu tayi!,saboda ta soshi,ta qaunaceshi,takuma zauna dashi,duk da banbancin ahalin,daraja,nasaba,kyau arziqi da dukiya dake tsakaninsu,tazarace mai yawa tsakaninsa da maimunatu,amma duka bata duba wannan ba,a zamanin tanunashi takuma zabeshi cikin dubban samari masu kyau dukiya da aji da take dasu a zamanin.

Mahaifinta dan kasuwane da yayi suna,hakanan ya shahara wajen arziqi,kamilin mutum mai managartan halaye,nagartarsa tasanya bai duba matakin arqizin bilyaminu ba a wancan lokacin yadauki maimunatu yabashi,duk da cewa su biyu tak Allah ya azurtashi dasu a duniya.

Duk da tarin wahala da fama da take a cikin gidan bata taba fasa halin da take ciki ba,tun mahaifanta suna da rai har Allah yadauki abinsa,hakanan taci gaba da zama dashi,sam babu jituwa tsakanin bilyaminu da qanwar maimunatu mai suna zuhriyya saboda yadda take ganin yana gasa 'yaruwarta,ita kuma bata daga kai bare ta nuba mishi bacin ranta,tsabar sanyin halin maimunatu yakawo hakan,tun zuhriyya na budurwa idan tazo gidan bata kwana,iyakarta awa biyu uku tayi tafiyarta,don tace ba zata iya ganin baqinciki da takaici ba,kusan har tafi maimunatu jin zafin abun,don ko gaisuwa bata hadata da bilyaminu,hakan yasa ya shina yake cike da haushinta,yakance

"Duk abinki dai baki isa ki raba qaunata da maimunatu ba"

"Dana isa din ai da tuni na raba wallahi da baka kai warhaka tare da ita ba".

Haihuwarta tafari tasamu Bilkisu,yarinyar data fita daban cikin ahalin gidan da 'yanuwanta gaba daya,hakan kuma baya rasa nasaba da dangin mahaifiyarta data dauko wadanda suke jinin fulani,kakarta mahaifiyar maimunatu kuma shuwa ce.

Yadda komai na halittar bilkisu yake daban tun tana qanqanuwarta,saiya zamana komai nata ma daban yake,tsafta kwalliya da ado kullum cikinsu take,maimunatu tana da tsafta gason gayu da ado,uwa uba alokacin takan samu kudi cikin gadonta da mahaifinta yabari,na gidajen da ake mata haya da sauransu.

Duk wanda yakalli bilkisu saiya kuma dubanta,komai nata tsaf gwanin birgewa,uwa uba ga kyau da Allah yayi mata,sai hakan yasake zame mata ado da qawa.

Bilkisu nada shekara shida Allah yayiwa mahaifiyarta maimunatu rasuwa,duk dacewa a sannan tana da qarancin shekaru amma ta koka sosai,har hakan yabaiwa mutane mamaki,kukan nata saiya zama wani gwanin tausayi.

Zuhriyya kusan tafi kowa jin mutuwar ba kadan ba,tayi kuka tayi kuka har taji babu dadi,mutuwar 'yaruwarta daya tilo datake gani taji dadi ta girgizata matuqa,a lokacin saura watanni aurenta,amma babu yadda ta iya hakanan ta dangana.

A sannan taso daukar rainon bilkisu,amma bilyaminu ya qeqashe qasa yace sam bazai bata ba,dama can shiri suke na,bata taba nadamar rashin jituwarsu ba irin wannan lokacin,sai taji dana sanin bata aikata dukkan abinda ta aikata din ba sabida rasa damar daukar bilkisu datayi,ta wani bangaren kuma saita sake qullatarsa dajin takaicinsa,saboda duk sanda tatuna rayuwar da 'yar uwarta tayi duk da wadatarsu wanda shine sila saita sakejin qinsa a zuciyarta.

Ta fannin dangi ma bata samu goyon baya ba,kasancewar bata da aure itama riqonta ake, hakanan bikinta gab yake,tilas ta tattara ta haqura,duk da yadda taso daukar bilkisu kamar mutuwarta,saidai kullum tana hanya tana jelan ganin bilkisun,duk da tarin wulaqanci da take gani daga wajen bilyaminu amma tashanye,ita bilkisun kawai take kalla.

A sannan yarinyar bata gamu da wata matsala mai yawa ko.matsatsi ba,saboda zuhiryya kusan kwana a gidan ne kawai batayi,idan tayi nawar duniya ta tsallake kwana daya bata je ba,duk sanda taje zata mata wanka ta gyarata,ta siya mata duk abinda ranta yakeso,tawuni da ita,ta sanyata taci abinci sosai,a haka aurenta yatashi.

To yanayin aure bazaiyiwu tadinga sakaraftu ba kullum tana kan hanya,saiya zamana duk sati take zuwa ganin bilkisun,a sannan ta fuskanci akwai 'yan matsaloli na rashin kula daga matar uba dashi ubanma gaba daya,sai tasake ninka kulawarta akanta.

Ganin haka yasanya mijin zuhriyya sake shiga maganar karbo bilkisu,nan ma bilyamu yace Allah ya kasheshi shi bazai bada diyarsa ba,a sannan har duqawa zuhriyya tayi tana roqonsa kan hakan amma yace sam,haka tanaji tana gani ta haqura,saidai taci gaba da kulawa da bilkisun har zuwa tsahon wasu shekaru,wanda a sannan bilkisun takai shekara goma sha biyar.

A lokacinne yanayin aiki yadauke anty zuhriyya da mijinta zuwa qasar brazil,wanda zasu kashe shekara shida a can.

Ba qaramin tashi hankalinta dana bilkisun yayi na gaba dayansu,saida maigidanta ya kwantar mata da hankali,yakuma tayata shiryawa bilkisu duk abinda tasan zata iya buqata na tsahon lokaci.

To,ta hadu da uba mai son abun duniya,kusan duk abinda aka aje matan shida matarsa akaci,hakan yasanya kayan basuyi wani tsahon rai ba suka taru suka qare,abinda yarage mata kawai school fees dinta,wanda shima don anty zuhriyyan taje tabiya na shekarun da suka rage mata,hakanan islamiyya an mata total ta biya na shekarun.

A sannam bilkisu ta sake tantance tsakanin aya da tsakuwa,tasake gane dacin maraici da rashin uwa,ta gane ranar anty zuhriyya,saboda cikin qanqanin lokaci tasoma tagayyara,hatta da sitturunta zuwa wasu abubuwa nata masu daraja tasoma adabo dasu saboda ba ita kadai ke amfana ba.

Dalili kuwa shine,yarinyace da tunda tabudi idanu ta fahimci rayuwar gidan nasu Allah yazuba mata qauna da tausayin qannenta,kusan dukkaninsu suna qarqashin kulawarta ne,idan ka gansu saika rantse da Allah uwarsu daya ubansu daya,zata iya hana kanta tabasu,zata iya hana idanunta bacci su suyi,zata iya yadda ta wahala su su huta,saidai a wannan lokacin dukka wani qoqarinta yagaza,saboda bata da matallafi,sa'annan bata da wani sana'a ko aiki da takeyi.

Kafin wani lokaci tsanani yayi tsanani,wanda yasa tasoma tunanin wacce sana'a zata kama?,duk da bata da komai bata da kowa,saita soma wankau,lokacin da malam bilyaminu ya fahimci haka nan yadinga surfa ruwan bala'in ba za'a maida masa gidansa gidan tsummokara ba,duk da gidan na wani kyaune dashi na azo a gani ba,hasalima yana buqatar gyare gyare saboda tsufa daya soma yi,tanaji tana gani ta watsar.

Daga bisani tasamu aiki a maqotan unguwarsu,gidan wata mata da ake kira da umma luba.

Takan fita wajen aikinta tun safe har dare,wani lokacima takan kai goma kota kwana a can,Idan tatashi a aikin saita biya gida wajenta ta amsa,duka duka albashin nata dubu biyu ne da dari biyar,hakan yasa baya kaima tarin qannen dake gareta ko ina bare tasamu ta tsinanawa kanta wani abu.

Babban tashin hankalinta a rayuwa taga qannenta cikin wani mayuwacin hali na buqata,kuma bata da abinda zata basu ko tayi musu,wannan yasa tasake dagewa wajen daukarwa kattume tallan abinci ranakun da babu makarantar boko da safe kenan,kusan sana'arta kenan,wanda a ciki take ci tasha ta yiwa kanta da yaranta sutura,harma wani lokacin shi mai gayya mai aikin ya rabo yaci a jikinta randa yatashi bashi dako asi.

Ko daya kattume bata da mutunci ko tausayi musamman akan kudi,akan kudinta zata iya yin komai,bata da lamuni bare daga qafa ko misaqala zarratin,tana iya dafa abinci ta hana dukkan wani yaro dake gidan sai wanda taga dama ko kuma yaranta,takance

"Ubanku mara zuciyar bai kawo ba,don haka bazaku karyani ba,duk maiso yamiqo kudinsa yaci abinci" abun na matuqar baiwa bilkisu mamaki da daure mata kai,hakanan takan shiga tashin hankali duk lokacin da irin hakan tafaru babu kudin da zata baiwa kattumen ta bawa yaran abinci,idan 'yan mutuncin na kusa duk sanda ta dawo daga talla zata zuba mata maidan dama,anan ne zasu hadu duka suci,idan wannan bata samu ba,saita karbi bashi idan aka bata albashinta tabiya ta,tana kuwa rubuce da adadin abincin nawa ta karba din,hakanan tana ankare da lokacin biyan bilkisun albashi,da zarar lokaci yayi zata nemi kudinta.

_wannan itace BILKISU da salon nata rayuwar. Ko yaya nata SIRADIN RAYUWAR YAKE?,ku biyo 'yar mutan huguma,itake dauke da amsoshinku_

****** ******* **********

*2005*

K'arfe takwas na dare take takawa a hankali cikin layukan unguwar tasu,iskace irin ta sanyi ke kadata hagu da dama,tana kuma kada dan yalolon hijabin dake mannewa a jikinta kasancewarsa na roba,uwa uba tsufa da shan jikin da yayi wanda ya rage kaso hamsin cikin dari na kaurin asalin yadin.

Kusan hankalinta bai jikinta,tayi nisa qwarai cikin tunani wanda har hakan yasa ya bata damu da wanda ke gabanta ko bayanta ba bare gefanta,tunanin nata dukka yana kan qannenta data bari wuni guda sur yau a gida,batasab me sukaci ba yaudin,ko umna kattume ta basu abinci?,ko yauma tayi musu irin halin nata data saba,da yunwa suka kwanta ko kuwa sun qoshi?,duka ire iren abinda yake damunta kenan tunda ta fito daga gidan umma luba takamo hanyar gidan nasu,wanda duk da yake cikin unguwa daya suke amma akwai 'yar qaramar tazara a tsakaninsu.

Hannu tasa tadan share kyakkyawar fuskarta da takejin qurar hazo samanta,wanda hakan ita bai dameta,takan dauki lokaci mai tsaho kafin ta sanya mudubi gaban idanunta takalli fuskarta,duk wata halitta takyau da Allah yayi mata baiwarsa saidai tajita daga bakin mutane,bata taba tsaiwa ta kalla ba bare ta tantance,hasalima bata da wannan lokacin ko kadan a rayuwarta.

"Yammata daga ina haka?" Ta tsinci muryarshi daga bayanta,gabanta ne yayi wani mummunar faduwa,tun kafin tajuya tasan waye,ko kusa ko alama ta tsani duk wani abu da zaya hadata dashi,bata qaunar tarayyarsu ko alaqa dashi,hakanan ta tsani irin abinda yake mata,ita kwata kwata bata sanya kanta cikin jinsin mata bare har wani yace zai damu da rayuwarta da sunan soyayya,a wannan halin da take ciki?,tana ganin babban zaluncine a gareta wani dan adam ya takura mata da kalmar so ko qauna.

kalmace dako sau daya bata taba magana akanta ba walau a zuci ko a fili,a karan kanta ko ita da wani,towai dawa ma zatayi zancanta?,wa take dashi,bata da kowa bata da abokin magana shawara ko tattaunawa,bata da wanda zata gayawa shawara ko damuwarta face 'yan qannenta,wanda su kansu basu gama fuskantar rayuwar ko matsalarsu ba bare su fuskanci ta wani.

Koda tana da wani gata ko wani tsayayye,tana ganin babban zunubine a shekarunta qwalli goma sha biyar kacal ta jefa kanta a wannan layin.

Tana tsaka da wannan tufka da warwara yasha gabanta,yaja birki yana kallonta,tsantsar baiwar kyawun da Allah ya mata ta bayyana tarwai a dan ragowar hasken farin wata wanda hazo yayi nasarar dakushe kaso mafi yawa na hasken nashi,qare mata kallo yaci gaba dayi yana jin yadda yake sonta cikin zuciyarsa,bilkisu nada wani irin kyau mai sanyi da shiga zuciya,hakanan komai nata mai kyaune,kama daga kallonta,tafiyarta da maganarta,hatta da shurunta ma,komai nata abun burgewa ne,duk da tarin talauci da fatara daya musu katutu kuwa,yasha rayawa a ranshi wannan da a gidan wadata take ba shakka ba qaramin haddasa fitina kyawun nata zaiyi ba,matuqar yasamu dukkan wani abun buqata da zai bayyana kanshi yadda ya kamata,ba kamar yanzu daya tabbatar da cewa duk da yadda yake ganin kyawun nata fatarar da suke ciki ta wawashi kaso mai yawa ta boye ba.

Da wannan damar tayi amfani ta kewayeshi cikin matuqar sauri da wani irin hanzari tawuce,to ba ma'abociyar iya saurin bace ita,hakan yasa baiyi wani taku mai yawa ba ya cimmata,yayin da zuciyarta taci gaba da bugun uku uku,Allah Allah kawai take takai gida wannan qaramar alqar tasu ta yanke.

Dab da dakalin qofar gidansu yake a zaune,shi daya da alama yaudin babu 'yan tayin hirar nashi duk dare da suka saba zaman kisan dabe,masu matattar zuciya kusan irin tashi,kuma 'yan amshin shatar nashi,hakan yasanya tasu tazo daya dasu sosai

"Ke bilki,bilki!,zo nan" ta tsinci muryar mahaifin nata a sanda yana kwado mata kira a sanda take gab da shigewa soron gidan nasu.

A matuqar sanyi ta sauya akalar tata zuwa inda yake zaune,ta gefen idanu tana iya hango sabi'u wanda yasamu wani waje ya lafe bai qaraso inda suke ba sakamakon ganin mahaifin nata da yayi zaune a qofar gidan nasu.

A ladabce ta isa gabanshi kana ta durqusa da dukkanin gwiwoyinta,kanta na kallon rairayin dake shimfide gabanta

"Gani baba" sai yatashi yazauna sosai daga kashingidar da yayi,ya gyara hularshi dake niyyar zamewa tazauna sosai a kanshi

"Yauwa" yafada yana sake gyara zaman rigar wuyanshi kamar wanda ya qwaci kanshi daga hannun 'yan dambe

"Dama cewa nayi zan samu wani abune a wajenki?,yau natashi bani dako sisi wallahi,waccar kafirar kuma yau tsiyarta ta motsa ganin na tada sabon ginin dakuna,ta hanani abincin daren ma kwata kwata" wani dunqulallen abu mai tauri taji yazo mata iya wuya ya tokareta.

7/11/21, 4:28 PM - My Mtn Number: ðŸ‘‘ *SIRAD'IN RAYUWATA* ðŸ‘‘

*_Wannan littafin na kudine,amana ce a hannun duk wanda yasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa da kwanciyar hankali,babu cigiya,babu a dauko mana_*

*Zaku biya kudinku acikin wannan asusun namu na banki*ðŸ‘‡ðŸ‘‡

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

_saiku turawa wannnan numban shedan biyanku(evidence of payment)_ðŸ‘‡ðŸ‘‡

Â 0903Â 234Â 5899

*IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKU*ðŸ‘‡ðŸ‘‡

09033181070

Zuciyarta cike fal da mamakin halayya da dabi'un mahaifinta da koda yaushe take kwana tatashi dashi,tabbas babu shakka banda wasu abubuwa da suka bayyana qarara cewa shine mahaifinsu,da babu abinda zai hana ta musanta cewa ta tsatsonshi tarin yaran da yake dasu suka fito,ciki kuwa harda ita.

"Yi sauri ki miqo min mana maigado,yunwa fa nakeji ba 'yar kadan ba" yafada yana miqa mata hannayen nasa,sai data ja numfashi takaishi qasan hunhunta sannan ta daga oily eyes dake sheqi da walainiya kamar an diga musu mai,ga wanda bai sani ba kuma zaiyi tsammanin qwalla ta tara kuka take shirin yi,cikin sassanyar muryarta wadda ke bayyanar da yanayin nutsuwa da Allah yazuba a halittarta tace

"Bata biyani ba baba".

Wani baci ranshi yayi,kai kace ajiya yabayar yazo karba kuma akace mishi an kashe,hura hanci yayi yafidda iska zazzafa daga dukkan hanci da bakinsa yana jin takaici,don harga Allah yasa rai sosai da kudin,don ya jima da haddace ranakun da take karbar albashin nata,tamkar shike zuwa mata aikin

"Oho,kicemin aikin banza kike zuwa yi,babu uwa babu riba,duk yadda nadauke kai nayi haquri jumuri da juriyar barinki kina aikin ashe bazai iya kashemin takaicin komai ba,to gaskiya bazan lamunta ba" sosai gabanta yafadi,qafafunta sukayi sanyi harsai data kasa jurewa ta gyara durqusonta a gabanshi,tana tsoro,tana tsoron kada ya hanata zuwa aikin,wanda Allah da manzansane gatanta ita da qannenta sai aikin wanda bai kashe masu qishirwa koda cikin cokali cikin qishirwar abubuwan buqatun rayuwa da suke dashi,saidai duk da haka hausawa kance da babu gwara babu dadi,hakanan yafi babu,da sassanyar muryarta tace

"Ta yimin bayani baba,tace itama tana jira a biyata nata albashin ne saita sallameni,kamar daga can inda za'a bada albashin dukka ma'aikatan gidan ne basu nan" jim yayi yana tunanin ta inda zai wanye,idanunsa na hango masa inuwar hamza,kamar ya fahimci ya biyota ne yanason magana da ita,idan kuwa hakane yasamu inda zai samu kudin da yau zai siyawa bazawararsa tsire kamar yadda yacika mata baki yakuma alqawarta mata.

"Shi kuma wancan da kuke tare fa?" Ya fada yana nuna saitin inda hamza ke labe,gabanta yasake faduwa karo nabiyu,idan akwai abinda ta tsana shine babanta ya ganta da wani,akwai abubuwa masu tarin yawa da hakan zai iya faruwa da zubewar qima da mutunci da zai iya faruwa,kaita girgixa dasauri ba tare da juya takalli inda yake nuna matan ba,saboda tana da rauni,bata da qarfin zuciya wajen iya shirya qarya tazauna yadda yadace,farad daya zai iya ramfota,wanda ita kanta tasan hakan bazai mata dadi ba

"Babu kowa"qur ya mata da idanu,yafi kowa sanin halin bilkisu cikin yaransa fiye da kowa,yanayinta kawai ya karantar dashi komai,kamar zaice wani abu sai kuma yafasa yamaida idanunshi ga inuwar da yake hangowa

"Kai!,yaka!,fito nan!" Ya qwalla kira wanda hakan ya tabbatarwa hamzan da cewa yaganshi,saboda haka yafito sum sum kanshi a qasa.

Sam ba haka yaso ta kasance ba,yaso ace yajema mahaifinta tasigar data dace,ta sigar da addini ya shimfida,cikin girma mutunci da martaba,yanemi izinin zuwa wajen bilkisun.

A ladabce ya tsugunna gabanshi kamar yadda bilkisu ke tsugunne,kanshi a qasa yana shafa sumar kanshi cikin kunya yace

"Gani baba,barka da warhaka"

"Barka kadai" ya amsa mishi a gaggauce yana dan qare masa kallo ta hasken farin wata

"Da alama tare kuke da maigado,kaine surukin namu kenan?" Cikin kunya yasaki murmushi kanshi har yanzu a qasa ba tare da yace komai ba,sai ya gyara zamanshi donya qagu yakai inda yakeson kaiwar yatashi yawuce wajen lami,hankalinsa nacan wajen dare da dada yi

"To madalla,ai abu yayi kyau,Allah ya tabbatar da alheri"

"Amin baba,na gode,Allah yasaka da alheri"

"Amin yaro,ai babu komai,idan Allah yaso sai kaha bilkisu takace" sosai kalaman sukayi nauyi a zuciya da qwaqwalwar bilkisu,wanne irin nau'in rayuwa ce wannan?,baida masaniya ko damuwa ma da sanin waye hamza a farkom fari kafin akai ga kowacce magana amma har wani abu mai kama da yanke hukunci na qoqarin kunno kai ciki?,ama ture ta wannan da d'ai bata taba koda gwada yau gata a amatsayin ta wani ba,abu na qarshe a rayuwarta da bata taba tunashi ba,yayin da kalaman suka yiwa hamza dadi,don bai tsammaci komai zaizo da sauqi har haka ba,hakan yasanyashi ya karkata aljihun wandonshi na baya ganin baban yamiqe yanata karkade rigarsa wanda ba wani qura ta diba ba,yana yin hakanne saboda yakawo tsaiko da jinkiri koda hamza zaiyi wani abu.

"Ga wannan baba babu yawa" yafada yana miqa masa kudin daya zaro,babu wani kara alkunya ko tayi yasanya hannu ya amshe caraf yana fadin

"To Allah yayi albarka yaro kaji....ke maigado....zanje unguwa,idan kingama ki sakaya qofar" kai kawai ta iya dagawa tanajin yadda kowacce gaba ta jikinta tayi mata nauyi,daga haka ya juya yasoma bin layinsu yana qirga kudin bakinsa har kunne yana wassafa yawan bajintar da zaiwa lami dasu,wadanda yake fatan su zama silar da tarkonsa zai kama kurciyarta tashigo gidansa.

Shurune ya ratsa wajen,yayin da bilkisu ta kasa koda qwaqqwaran motsi daga inda take duqen,ta gefan hamza kuwa ci gaba yayi da kallonta,yanajin qaunarta da wani farinciki na takar sa'ar samun karbuwa wajen mahaifinta karon farko tana ratsashi,shi kansa ya yabawa kansa kan namijin qoqarin da yayi wajen tsallake matakai guda biyu masu matuqar tsauri a wajensa kafin isa kan bigiren da yake kai yanzu,mataki na farko shine fitowa ya bayyanawa bilkisu soyayyarshi a gareta,duk da wani kwarjini da kamewa ta musamman da Allah yayi mata,duk kuwa da qarancin shekarunta,mataki nabiyu yadda ayau harya tsaya gaban mahaifinta magana ta gudana a tsakaninsu.

A hankali tamiqe daga tsugunnon tasoma takawa zuwa shiyyar qofar shigewa gidansu,hakan shiya farkar da hamza daga duniyar tunanin daya tafi,cikin zafin nama yayi dan tattaki ya cimmata

"Bilkisu,ya zaki tafi ko gaisawa bamu...." A nutse ta daga idanunta ta kalleshi ba tare data furta komai ba,sai yaji kwarjininta ya cikashi harya danja baya kadan yana dubanta,ta kalleshine kamar yadda tasaba kallon kowa amma sai yaji wani iri harya kasa sake ce mata komai har zuwa sanda ta tura qauren gidansu dake dab da qarasa karyewa gaba daya su jingineshi tashige.

Ajiyar zuciya yasaki mai nauyi,yana qaunar bilkisu irin qaunar da baisan adadinta ba,duk da cewa shi a karan kanshi yana ganin kamar tafi qarfinsa a zubi da baiwar kyau da Allah yayi mata,kamar yadda abokanshi sukan sha gaya masa

"Hamza,kabar ganin yarinyar nan tafito daga gidan masu qaramin qarfi,ba tsarar aurenka bace,irinsu kyawunsu shune jarinsu,duk talaucinsu baka rasa wani hamshaqin mai kudin da zai qyallosu yayu wuf dasu,sannan uwa uba akwai qishin qishin din dangin babarta masu wadatane,ba'asan dai dalilin wanzuwarta a haka cikin wahala ba". Wadan nan kalaman dama ire irensu yasha jinsu bakin abokansa da yawa,amma yakan basu amsa da cewa

"A rashin tayi akan bar araha,a rashin kira kuma karen bebe ya b'ata,hakanan matsoraci baya zama gwani,kudai kubarni na gwada sa'ata kawai" da wannan tunanin yasaki ajiyar zuciya kana yasoma takawa yana barin layin,cikin zuciyarsa yanajin ko iya haka yasoma taka matakin nasara kan bilkisu,kuma yana fatan nan gaba nasarar tashi tafi haka.

Baqiqqirin tsakar gidan nasu yake,babu hasken fitila ko kadan banda wadda ke fitowa ta tsakankanin labulen dakin umma katti kamar yadda sukan kirata,banda tallafi da rahamar ubangiji na hasken farin wata babu abinda zai hana mutum mai qarancin gani yazuba tuntube a tsakar gidan nasu dake warwatse da kwanukan da sauran tarkace nan dacan,wanda basu wuce na sana'ar abincin daren umma katti ba,kusan haka al'adarta yake,duk sanda tagama sana'arta ta dare tashi take tawuce daka abinta tashiga sabgoginta na irgen kudi dakuma wassafa abinda zata siya gobe bayan tatake cikinta dana yaranta,dana mai rabo cikin yaran mijin nata,tacusa kudinta qasan filo tamaida kanta takwanta tahau jan minshari,aikin kusan na bilkisu ne,wanda duk safiyar duniya bayan ta idar da sallar asuba bata maida kanta ta kwanta,saita kintsa gidan,kana tayiwa qannenta wanka itama tayi tashirya cikin tsummokaran unifoarm dinta tawuce makaranta.

Ajiyar zuciya tasaki tadinga ratsa kwanukan tana wucewa zuwa dakinsu da take hango haske kadan kadan,wanda hasken take da yaqinin na acibal bal din data hada musu da kanta,amma tayi mamakin ina suka samu kudin kalanzir din suka zuba,idanunta nakan dakin cike da tausayin yaran harta isa bakin qofar dakin.

Da sallama ta daga labulen tashiga,dukkaninsu suna zaune kusan su goma gaban tabarma qwaya daya da sukayi tarayya wajen kwana akai,tun daga jikkunansu basai ankai ga fuskokinsu ba ya isa ka gane tsantsar rashin gata da kulawa dake tattare dasu,gamida buqatuwar tallafi cikin rayuwarsu.

A hankali take nazartarsu,fuskokinsu babu walwala sam,idanunta yasauka kan wacce ke kwance kan tabarmar,hauwa'u ce,da sauri ta cire takalmanta ta qara hanzari zuwa cikin dakin a dan rude tana fadin

"Subhanallahi,hauwa'u jikinne?"

"Tunda kika tafi yaaya yau bata fito ba,zazzabi take tayi" cewar daya daga cikin yaran,wadda tadan daresu duka a shekaru.

Saita waiwayo tana dubanta

"Baba yaga yadda take?" Ta tambayesu,sai kusan dukkansu suka kada kai

"Kunci abincin dare?" Tasake tambayarsu

"A'ah" suka bata amsa kusan a tare,don babu wanda cikinsu cikinsa baya kiran ciroma,ciwon 'yar uwar tasu ya sanya suka daina damuwa da yunwar sosai,don dama kwana da yunwa ba wani sabon abu bane a wajensu.

Zallar mamaki yasake cikata,wacce iriyar rayuwa suke haka wadda bata da wani maraba da rayuwar marayu,marayunma marasa galihu,wadanda basusan uwa uba ko wani dangi nasu ba,hauwa'u na daya daga cikin yaran da take matuqar tausayi cikin qannen nata,kasancewar taqamaimai a yanzu babu wani tartibin waje da za'a ce ga inda dangin mamanta suke,sakamakon fulani ne na tashi baban nasu ya aura,sadda xaman ya gagara sukazo suka mashi diyarsu suka bar masa tashi gamida karba mata takardar sakinta

"Ina hannatu?"ta tambayesu bayan ta lura da cewa bata dakin

"Tafita roqo mata magani a chemist" sakin hauwa'u tayi tamiqe da hanzari,sam bata qaunar idan dare yasoma yi taga daya daga cikinsu a waje,hannatu kusan itace babba a cikin yaran,saboda ta tasamma shekara sha hudu,shekara biyu bilkisu ta bata

"Ina zuwa" ta fada da hanzari tana ficewa,dukka yunwa gajiya,damuwa dama abinda ke damunta damuwar yaran saita murqushesu,tunaninta na farko inda zata sama musu abinda zasuci,na biyu maganin da hauwa'u zata sha kome qanqantarsa,tana tsaka da wannan tunanin sukayi karo da hannatu wadda itama ke tafe cikin damuwa,kasancewar hauwa'u ce aminiyarta cikin yaran duka gidan,duk da ta bata shekara biyu itama,amma tasu tafi zuwa kusa.

Sosai bilkisu ta hada rai tana dubanta

"Daga ina kike?" Maimakon ta amsata sai hawaye yabiyo kuncinta,cikin muryar kuka tace

"Naje samowa hauwa magani a chemist din bala amma ya hana" kukan yarinyar ya kashe mata jiki da zuciya sosai,maimakon fada dataso mata saita kasa,ta kama hannun hundatun

"Amma bana hanaku fita ba daga sanda akayi sallar magariba ba hindatu?ban isa na gaya muku kujiba?" Kai tashiga girgizawa sosai,har yanzu tana hawayen tace

"A'ah wallahi yaaya kin isa,jikinta ne har huci yakeyi,tanata rawar sanyi,shi yasa na kasa zama,amma kiyi haquri" shuru tasakeyi tana hadiye wani abu mai daci da tauri,yaran tamkar sun fahimci babban qalubalen rayuwa,gibi gamida nakasa da rayuwarsu ke ciki,sai suke qaunar junansu sosai tamkar uwa daya uba daya suke,tsahon wasu mintuna sannan ta iya bude bakinta

"Ki daina kuka,zata samu lafiya,amma kada ki sake fita,banason fitar dare kwata kwata"

"To yaaya"

"Muje ciki" tafada,hannatun tayi gaba tana biye da ita a baya har zuwa tsakar gidan.

Dakinsu ta shige yayin da ita kuma ta durfafi dakin umma katti,bakinta dauke da addu'a Allah ya dorata a kanta,yasa tasamu abinda zata baiwa yaran suci sukwanta.

A hankali ta yaye labulen bakinta dauke da sallama,tana kwance kamar yawancin daga ita sai daurin qirji da dankwali mai santsi wanda bai dauru sosai ba,saijsn gwarti take abinta,duka rumfar tata cike da tarkace,yaranta duka sunyi bacci sai lariya dake zaune saman kan uwar tana cin abinci.

"Yaaya,kin dawo?" Tafada,kasancewar akwai fahimtar juna tsakaninsu,duk da yadda uwar kan kyaresu idan taga suna nunawa juna qauna

"Nadawo lariya,umma tayi bacci?"

"Eh amma bata dade ba" kan bilkisu tace komai lariya tasoma bubbuga saman kan umma kattin tana cewa

"Umma kitashi ga yaaya bilki tadawo" kafin takai ga hanata har umma kattin tatashi,a fusace tazauna dungurgur tana gyara zaman dankwalinta dake shirin zamewa tana duban lariyan

"Me za'a siya da saikin tasheni" sai datakai lomar shinkafar bakinta sannan tace

"Ba abinda za'a siya,yaaya bilki ce tazo nemanki" maficin da take firfita dashi wanda garin bacci yazame yafadi ta jawo takai mata bugu

"Shine don tsohonki zaki tasheni haka sai kace wata diyar gwamna,du randa kika sakemin irin haka saina sassabar miki" itadai lariya cigaba tayi dacin abincinta,sai data gyara zamanta sosai fuska a dinke ta maida kanta ga bilkisu wadda ke rakube kamar wadda ruwa yaciyo

"Bashina kikazo biyana da kika saka aka tasheni sa tsohon daren nan?" Gabanta ne ya yanke yafadi,babu alamun zata samu abinda tazo nema kenan da alama,kaita kada a sanyaye

"A'ah,amma in sha Allahu zuwa jibi za'a biyani zan kawo miki"shuru tayi ranta a bace na wasu sakanni sannan tace

"To meye?"da qyar ta iya buda baki tace

"zuwa nayi don Allah idan za'a samu sauran abinci wajenki,yarancan duka ba wanda yaci abinci,ga hauwa na kwance ba lafiya" sake dinke ranta tayi

"Ai kinsan rabon tsohonki da cefane a gidan nan ko kawo qwayar hatsi yau sati guda cur ko?,kuma duk randa yakawo din idan na dafa ba wanda nake hanawa ai" tasan magana ta yada mata amma saita shanye

"Nufina abincin siyarwa,saimu saka a lissafi...."

"Babu" ta fada da hanzari tana katsar numfashinta gamida juyawa da niyyar komawa ta kwanta

"Akwai wanda kika rufe da abun tatar taliya fa" raliya tafada,saita daga kai ta watsa mata harara sannan tace

"Tunda kece uwata aisaiki dauko ki bata ko?,zakici qaniyarki kema idan idan kika qureni,xan barki da iya abincin da tsohon naku ke kawowa kiga idan zaki rayu" daga haka ta maida kanta tayi kwanciyarta tana qananun mitoci

"Yara sai shegen ci,na rana ma dana dubi Allah nabasu ashe basu gani ba zuba idanun na dare sukeyi,sai kowa ya lashi walqiya ya kora da ruwa ai ya kwanta".

A sanyaye ta juya tafuta daga dakin tana tunanin meye dabara ta gaba,a haka har takai soron gidan batama sani ba,tana yunqurin fita wani tunani yazo mata,saita koma wajen tukwanen shinkafar umma katti dake jiqe.

Tsintsirar da ruwan dake ciki tayi a hankali har zuwa sanda ya qare,ya zamana saura qanzon shinkafa dake can qasan,cikin kwanukan dake wajen ta dauki guda daya ta wankeshi tas,sannan ta saka hannu ta dinga tsame qanzon tana zubawa a farantin,haka ta dinga yi harta tsame qanzon tas,ta sake wankeshi,ta tsaneshi dakyau,ta tsaya tana dubanshi sanda yake digar sauran ruwan da bai gama digewa ba tana wassafa yawanshi,duk da bashi da yawa,duk da bazai ishesu su qoshi ba,amma tasan a qalla zasu rage wata kafar,ba zasu kwanta da yunwa mai hana bacci ba,to amma inda gixon ke saqar inda zata sama musu mahadi,tasan cewa ba za'a rasa mai da yaji wajen umma kattin ba,amma tayi imanin koda ta roqa ma a yadda yau take kan tsininta ba zata bayar ba,tunda abun yau ba iyasu kadai ya shafa ba,harda mai dugungurun gum dinma gaba daya wato babansu.

Ta dauki tsahon mintuna kana ta taka da kwanon a hankali zuwa dakin,tana shiga kowannensu yazubawa farantin idanu,da alama a zaqe suke,hakanan cikinsu cike yake da yunwa,jira kawai suke su samu abun sawa a bakin salati,tausayinsu yasake cikata,inama ace wani abincine mai kyau da dadi a hannunta da zata ciyar dasu,wanda zasu kwanta suna murna cikinsu a qoshe taf kamar kowanne yaro mai gata da 'yanci?.

Saita isa tsakiyarsu ta aje farantin tana cewa

"Bari na samo maku mai da maggi ko gishiri kunji?" Fuskarsu fadade da fara'a da farinciki na qanzon da aka samu suka amsa da to,hannatu tace

"Umma tabarki kin debo?,dazu dazan kankare mana muci hanani tayi ta sheqa masa ruwa" tausayi yasake cikata har idanunta wannan karon ya hada qwalla,ba shakka duk yaron da aka haifeshi cikin gidan nasu ya fado cikin wata jarrabawa ne ta rayuwa,hakanan dukkaninsu ababen tausayi ne,duk da cewa gwara wasu da wasu a cikinsu,tunda akan samu wadanda iyayensu kan leqo da abun arziqi suga yaran nasu,saidai kusan da zuwan nasu da babu duka sammakal,don da zarar uban ya qyallara idanu yaga abinda aka kawo din zai rage mishi wani nauyi zai dauke,ko yace ayi amfani dashi a gida,wanda kwana daya ko biyu ya qare,maimakon abarwa yaron da aka kawowa yamora.

Kasa bata amsa tayi saboda batason suga qwalla a idanunta ko rauninta,tana tunanin idan sukaga rauni a nata idanun yaya nasu zuciyoyin zasu kasance?,saboda haka ta juya kawai tafice a dakin,saidai tana isa tsakar gida ta kasa riqesu suka soma bin kuncinta,tasanya tafin hannunta a hankali tana sharewa gamida dosar qofar fita gida qafafunta kamar ba zasu dauketa ba,duk da bata da yaqinin samun abinda zataje nema,amma tana fatan a dace kodon yaran.

Karo suka kusayi da wanda ke ke shigowa,dukkaninsu sukaja baya yana fadi cikin fada fada

"Kai,waye wannan?!"

"Nice" ta fada a tausashe tana daga kai don ganin waye,sulaiman ne,yaya a wajenta wanda suka hada uba daya,kusan rabi da rabi yake rayuwarshi a gidan,saboda kaf nauyinsa baikai mahaifinsa,d'a ne ga matar malam bilya ta farko wadda suka jima da rabuwa,tafiye tafiye yake qwadagonshi da neman kudinsa,kuma ba laifi yana samun na rufawa kanshi asiri,duk da bai tsinanawa uban komai sai abinda yaga dama,saboda haushi da takaicin yadda ya watsar da rayuwarsu dake cike a zuciyarsa.

7/11/21, 4:28 PM - My Mtn Number: ðŸ‘‘ *SIRAD'IN RAYUWATA* ðŸ‘‘

*_Wannan littafin na kudine,amana ne a hannun duk wanda yasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa da kwanciyar hankali,babu cigiya,babu a dauko mana_*

"Maigado?,ina zaki haka?" Ya fada bayan ya sassauta muryarsa daga fada zuwa sanyi,maimakon tabashi amsa saita sadda kai tana wasa da yatsunta,hawayen da take qoqarin riqewa tun dazun suka balle mata,daidai lokacin da nepa suka kawo wuta,hakan ya taimakawa sulaiman wajen ganin hawayen nata

"Lafiya?,cewa nayi ina zaki,idan babu amsa kuma matsamin nawuce"

"Zanje na samowa yara mai da yajin da zasuci abinci ne" shuru ya ratsa tsakani sulaiman najin takaici na sake ratsashi,mai hali dai bai fasa halinsa?,saiya sanya hannunsa a aljihun wandonshi yaciro dari biyar da yayi niyyar baiwa baban nashi a yau yamiqa mata

"Ungo wannan,ki saya muku wani abun" hannunta har rawa yake saboda murna da dadin dataji,wani abu da yaketa qulle mata numfashi tun dazun taji ya saketa,farinciki yacikata har murmushi ya subuce mata

"An gode yaya sule,Allah ya qara budi"

"Amin" ya fada yana binta da kallo sanda take ficewa cikin hanzari,sosai yarinyar take bashi tausayi,yana lura da kuma ankara da yadda take dawainiya da rayuwar yaran bakin qarfinta,tamkar ita ake haifawa su,ko kuma daga cikinta suka fito,ita kanta abar tausayice,saboda baya manta sanda mahaifiyarta take raye gatan data samu,baya kuma manta sanda anty zuhra take nan,duk da baisan meye dalilin bacewar anty zuhran da daina ganin gilmawarta cikin rayuwarta ba,da wannan tunanin yacusa kanshi cikin gidan.

Abu kala kala ta dinga ayyanawa a ranta,tayi tunanin siya musu suci su more a daren da kudin,har tayi hanyar sai kuma taja ta tsaya turus tana juya kudin a hannunta,idan har tace zata siya musu abu me dadi suci to kuma gobe fa waye zai basu?,hakan ya sanya ta sauya tunani,ta nufi kanti ta siya musu garin kwaki da suger,sannan tashiga gidan gwaggo rabi maqociyarsu ta siyi mai da yaji maidan dama,takuma siya gasarar koko da yake suna saida ita,ta ayyana a ranta gobe bazasuyi tashin yunwa wunin yunwa ba,mai da yajin yanzu zata zuba musu a qanzon suci,ta rage wani gobe ta kwada musu da garin,da safe kuma ta dama musu kunu susha,tuna hakan kawai ya jefa murmushi kan fuskarta,harya bata qwarin gwiwa da karsashin nufar gida bayan ta siyawa hauwa'u paracetamol satches daya,tana fata ko zazzabin ne kawai ya saukar mata,duk da tasani ba shine ainihin maganin daya kamata tasha ba,amma ragi ragi ne.

A hanzarce tashiga soron gidan nasu wanda jan qwai na wuta ya haske,saita hangeshi rakube daga bayan qofa riqe da takardar tsire yana kaiwa baka da sauri da sauri,da alamu baison wani ya ganshi,gabansa kuma robar fanta ce qaramar 35cl.

Motsin da yaji ya sanyashi saurin cilla ledar tsiran da gara robar saqon qofar yana boye hannunsa dake cike da maiqo da quli qulin tsire,saita sadda kai kamar bata ganshi ba zata wuce,yayin da jikinsa yabashi cewa tariga data ganshi,saboda haka yahau nade tabarmar kunya da hauka

"Ke maigado daga ina kike a daren nan?" Kafin ta bashi amsa yadora da bambami

"Banason iskanci da diban albarka fa,wato yawon dare kikeson koya ko?,ina cewa baki jima da dawowa daga wajen aiki ba shine yanzu zaki sake zargawa qafarki igiya ki fice?"

"Kayi haquri baba,maqot...."

"Rufen baki ki wuce ki bani waje,sakarya kawai" bata sake yunqurin cewa komai ka kare kanta ba tawuce ciki,don dama ta qagu ya sallameta din,tunda tasan fadan gwaggo a kofa yakeyi,idan da sabo ta saba da ganin dabi'unsa kala kala,ita abinda yafi damunta yabarta takaiwa 'yan uwanta abinci,idan yaso idan tadawo ko gutsi gutsi da namanta zaiyi yayi.

A zagaye ta samesu da farantin qanzon kai kace tururuwa ta samu hasken candle guda daya,tasauke ajiyar zuciya tana godewa Allah daya sanya tasamu mahadin da zata kawo musun,da batasan ya zataji ba a yadda ta samesu.

Cikin hanzari ta hada kwadon tsaf,tasa kowanne ya wanke hannu suka soma ci a tare,bayan sun gama ta baiwa hauwa'u paracetamol din tasha sannan sukayi shimfida da zannuwan da sukan lullube sumuntin dakin su kwanta.

Sai data tabbatar da kowanne ya sanya haqarqarinsa ya kwanta sannan ta zare yalolon hijabinta ta fita zuwa tsakar gidansu dontayi alwalar da zatayi shafa'i da wuturi,abu na qarshe da takan gabatar duk dare kafin ta kwanta,saboda bakoda yaushe take samun damar tashi sallar tsakar dare ba.

Tana bakin famfo a duqe tana daura alwalar amma tana iya jiyo cecekucen baban nasu da baba katti,cin mutuncine dai data saba masa duk sadda ta hadosu,tana iya jiyoshi yana cewa

"Abincine dai ki jiqa kayanki ki sha,da baki bani ba ai Allah yabani wanda yafi naki,bakin da Allah tsaga baya hanashi abinci,kuma wallahi nasan maganinki,na gane take takenki,saboda kwana biyu kina ganinki ke kadaice cikin gida kike tunanin kinfi qarfina kinsha kaina,to zanyi maganinki ne,mu zuba dani dake,shege ka fasa" qaramar guda umma kattin tasaki kana ta dora da cewa

"Ahayye,yoni Allah na tuba wane darene jemage bai gani ba?,aisai na ranar mutuwarsa,kare kuma da kudinsa sai yasha lahaula,kai kaga zaka iya,ga fili nan ga mai doki saura sukuwa...." Itadai daga haka tasamu ta gama alwalarta tashige daki tana mai qyamatar rayuwa irin ta gidansu,ta tuna mahaifiyarta,duk da cewa sanda tarasu bata da wayo amma tana iya tuna wasu abubuwa dangane da ita,hawaye ya sake cika mata idanu sanda taga nan da nan bacci ya kwashe yaran,ta kabbara salla tana maida dukka damuwarta baya don ganawa da ubangijinta.

Ta jima saman abun sallar tana addu'a kamar yadda tasaba sannan ta shafa,ta nufi can bangon dakin inda akwatinta take,wadda asanda take sabuwa ta zuba kyau da d'aukan hankali,anty zuhra ce ta taba siyo mata ita dab da sanda zasu tafi,budeta tayi ta ciro unifoarm dinta tana dagawa,tun daga tsarin dinkin da kalarsu zakasan cewa na private school ce mai tsada,duk da yadda suka tsufa amma tsarinsu bai bace ba,a wanke suke fes kamar yadda bata taba barinsu babu wanki duk da yadda suke neman agajin hutu saboda tsufa,saita zauna anutse tasoma musu ninkin guga,ta shinfidasu qasan wajen kwanciyarta,tana fatan su miqe kafin safiyar gobe,saboda batasamu gogesu ba yau,duk da cewa a kwance suke saboda laushi da sukayi dakuma sabo da guga,sai data gama jerasu sannan ta shinfida zaninta a sama ta kwanta kamar sauran 'yan uwanta.

Ta kafin bacci ya ziyarci idanunta saboda tarin tunane tunane na rayuwa da abubuwan da suke cikinta na qalubale iri daban daban,daga qarshe dai sarkin barayin yayi nasarar saceta,baccin da yake cike da mafarkai na burikanta na rayuwa da takeso ta cimma,ciki kuwa harda inganta rayuwar qannenta.

***** ****** ****** *****

Sanye da daurin qirji da kuma lullubin hijabinta tashigo dakin nasu wanda yake share fes kamar ko yaushe,kai bakace ana kwana a dakin ba saboda tsananin tsafta,duk da cewa babu komai qasan dakin sai sumunti da kuma tabarmar da kusan rabi da rabinta a cinye yake da suke kwana akai amma saika zuba abinci akai kaci.

Fitowarta kenan daga wanka bayan tagama tsaftace gidan,takumayi wanke wanke kamar yadda tasaba kullum kwanan duniya,sai data tsugunna ta rarrabawa duka qannen nata kunu a cikin kofin sannan ta miqe tasoma shiryawa,idanunta akan ratattaken agogon da iya awanni kawai yake iya nuna mata,ta maqalashi saboda tashinsu sallar asuba dakuma lokacin tafiyarta makaranta,tana qiyasta mintinan da zasu kaita makaranta daga nan gida,tana saka ran ta isa kafin lokacin da za'a soma assembly yacika.

Mai kawai ta shafa,sannan ta goga alimun a hammatarta,kafin ta dangwali turarenta dan duri da take siya duk qarshen wata,unifoarm dinta dake saman akwati ta dauko tahau sanyawa,cikin mintina qalilan tagama shiryawa tsaf.

Wani irin sassanyan kyau unifoarm din sukayi mata,kai kace wasu kaya ta saka na azo a gani,ya fidda sigarta sosai fiye da kayanta na gida,abu dayane tak ya musu cikas tsufan da sukayi,saidai tsaftarsu tadan boye wani daga cikin aibunsu.

"Takwas tanayi hannatu karki bar kowa kuwuce kamarantar allo,kar nadawo acemin yau wani baije ba,hauwa'u kawai na yarda abari tasake jin qwarin jikinta tukunna"

"To yaaya" hannatu ta fada sannan suka fara mata rige rige na adawo lafiya tana amsa musu harta fice daga dakin,ta ratsa tsakar gidan nasu tana wuce custumers din baba katti dake siyen qosai harta fice daga gidan gaba daya ta dauki hanya cikin nutsuwa kamar yadda tasaba.

Ajiyar zuciya tasauke sanda tashiga harabar makarantar taga ba'a fara fita assembly ba,hakan ya alamta mata ba qaramin sauri tayi ba.

Kamar ko yaushe ajin yasoma cika,saboda makarantace dake da tsari da doka,ba kasafai dalibanta ke makara ba,duk da cewa makaranta ce ta 'ya'yan masu hannu da shuni.

Babu wanda zaiji sallamarta ma idan tayi saboda kowa sabgar gabanshi yake,hayaniya ce ke tashi,saboda haka saita wuce direct sit dinta,wanda kowa dama yasan wajen zamanshi kuma anan yake zama koda yaushe,kujerarka da table dinka kai kadai harda 'yar locker daga qasa.

Ganin kamar akwai sauran lokaci yasa tazauna tazuge jakarta tana sake gyara zaman litattafanta,gamida sake dubasu daya bayan daya taga kota dauko kowanne,lokaci lokaci masu shigowa takan daga kai ta amsa sallamarsu,wasu idan sun kirayi sunanta ta amsa tare da qoqarin dora murmushi kan fuskarta.

Kusan ita daya take rayuwa cikin ajin tsahon shekaru,bata yarda ta rabi kowa ba,kamar yadda babu wanda ta bawa fuskar ya rabeta,ta sani ko ba'a gaya mata ba dukkaninsu kaf ajin matakin rayuwarsu da nata ba iri daya bane,kallo daya zakayi ka tantance hakan,akwai mutane da dama da sukaso qulla qawance da ita amma ta toshe wannan kafar,wanda hakan yasa wasunsu suka qullaceta suke ganin tsabar girman kaine,ko don taga tana da kyau?,ko kuwa ubanta qila wani shegen ne wanda wala'alla yafi dukka nasu iyayen hawa tudun muntsira.

A hankali daga bisani kuma sai abubuwa da yawa da suke gani tattare da ita suka sauya tunaninsu suka sakasu acikin duhu,na farko dai ita ba'a mota mai kyau da tsada ake kawota kamar su ba,koda motar haya bata hawa bare akai ga ta gida,a qafa kulli yaumin take zuwa,abu na biyu,bata zuwa da abinci mai tsada irin nasu hakanan idan lokacin break yayi bata kashe ko ficika da sunan siyan wani abu da zata saka a bakinta,hasalima saidai ta dauki litattafanta a sannan ta sake sabon xaman karatu,ko kuma tafice daga ajin tatafi can baya inda babu mai ganinta bare ya dameta ta zauna,harsai an gama sannan tadawo cikin aji,na uku tunda suka soma karatu basuga wani sauyi daga sutturar unifoarm jaka ko takalmi ba daga gareta,kamar yadda yawancinsu ba unifoarm guda daya garesu ba,duk da haka kuma lokaci zuwa lokaci sukan sauya da sabo koda ace bai tsufa ba,wannan sune abubuwan da suka sauya tunanin wasu da dama a kanta amma banda mutum guda AFNAN ABDALLAH KAISA.

Yarinyar da jinin sarauta ke zagayawa a jikinta,hafaffiyar diya ga sarki Abdallah mu'az kaisa,babbar masarauta wadda keda qarfi iko da kuma izza,masarauta ce mai matuqar girma da fadi da iko cikin dukka masarautu dake nahiyar,masarautar da a tarihinta dama can gwarzuwar masarauta ce wadda tayi shuhura takuma yi suna.

Baya ga jinin sarauta dake yawo a jikin afnan 'yar gata ce wajen mahaifiyarta,sannan uwa uba Allah ya hore mata baiwar kyau hakanan tana da qwaqwalwa da basira da saurin gane karatu,saidai dukka wadan nan abubuwan sai taga tamkar bilkisu bilyamin nason zartata kyau dakuma kaifin basira,sannan yanayin da take kallon bilkisun tana mata kallon mai zallar girman kai,bayan bataga wani abu da zata nuna mata ba game da gata ko sarauta,kusan kowa na ajin neman fada yake a wajenta dason samun shiga,amma sai taga hakan sam bai damu bilkisu ba bare ya dadata da qasa,hasalima rayuwarta take ita daya abunta ba tare data damu da shiga sha'ani ko shirgin kowa ba,sai Allah ya jarrabi afnan da dora dukka idanunta da damuwarta kan bilkisu,tana fata dai dai da rana daya bilkisun ta rabi kota shigo gonarta,amma hakan bata taba gittawa ba,dalili kenan daya sanya haushin bilkisu yasake cikata,tasake amannawa ranta cewa zallar girman kaine kawai ke damun bilkisun ba komai ba.

Hakan saiya haifar da takura ga bilkisu,afnan ta sanya mata idanu duk wani motsinta,koda hanyace ta hadasu sai tayi wani abu na nuna wulaqanci takura ko muxanci a gareta,babu abinda bilkisu ta tsana a rayuwa irin wulaqanci muzanci ko toxarci,tana da haquri dauke kai da kawaici,to ammafa bata jurar wulaqanci,duk inda tasan zata wulaqanta idan tashiga takanyi namijin qoqarin janye jikinta daga wajen,ta san afnan din ko wacece,don tanajin yadda sautari 'yan ajin ke hirarta gamida yadda kowa keson ace itace babbar qawa a gareta,duk da kuwa har yau bata da wata gwana guda daya a cikinsu,ta auna takuma sani cewa ita din ba kowan kowa bace akanta,dalili kenan daya sanya tasake qauracewa hada koda hanya da ita,babu abinda take bari ya gitta tsakaninsu saidai tsautsayi wanda baya wuce ranarshi,tsakaninta da afnan ko kallo bata bari ya hadasu saboda gudun bacin rana,tana gudun ranar da zata kaita bango ta tabbatar abun bazai musu dadi ba,wanda bata fatan hakan saboda gudun fadawa bigiren da ba nata ba,tunda tasani koma meye yafaru ita zafa zamo a qasa,bata da wanda ya tsaya mata,bata da wani gata bare galihu irin nasu.

Æ™ararrawar data buga ita ta alamtawa kowanne É—alibi lokacin fita assembly yayi,hakan ya sanya kowanne É—alibi tattara komatsansa zuwa filin assembly,ciki harda bilkisu.

Kamar kullum haka tabi layi da kowanne dalibi kebi saboda gudanar da abun a tsare,a É—arare take kamar kowanne lokaci,gani take kamar kowa kallonta yake,kamar kowa ya lura da tsufan unifoarm dinta,kamar kowa yana iya ganin aibun dake tattare da ita.

Cikin sahun daliban daya dake baya ta tabo ta gabanta tana shuna mata bilkisu wadda rashin tazara dake tsakaninsu yasanya karaf idanuwan bilkisun ya nuna mata su,amma saita dauke kanta ta maida idanunta ga abinda ake gabatarwa a wajen,duk da haka kunnuwanta suna iya jiyo mata maganganunsu,duk da cewa dafarko bata jin me suke fada

"Gafa mutuniyarki" saita tabe baki

"Sai shegen kyau amma da alama babu abun" dariya suka saki Æ™asa Æ™asa sannan ta sake cewa

"Anya ko ba 'yar aikin wani gidan bane suka taimaketa suka sata a school din nan?,don ko kusa ko alama batayi kama da wadanda iyayenta zasu iya sata a nan ba" dariya dayar tasake Æ™unshewa sannan tace

"Da alama dai kam..." Maganar da principal yasoma ita taja hankalinsu ya hanasu ci gaba da tattaunawa akan bilkisun,wadda tuni tashiga dogon nazari da tunani,abinda ta fuskanta shine,duk sanda talaka yayi gangancin shiga tsarar masu hannu da shuni ya banu?,ba gasu iyayen ba baga Æ´aÆ´ansu ba,ta lura kamar gado ko kuma halayyace a jininsu,mafi yawa yaran suma sukan taso da irin wannan É—abi'a da halayya irin ta iyayensu,saboda za'a iya cewa sun taso sunga sunayi.

7/11/21, 4:28 PM - My Mtn Number: ðŸ‘‘ *SIRAD'IN RAYUWA* ðŸ‘‘

*_Wannan littafin na kudine kuma amanace a hannun duk wanda yasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa da kwanciyar hankali,babu cigiya,babu a dauko mana_*

09032345899

09033181070

*_KI/KA/KU DUBI GIRMAN ALLAH KU SIYA DA KUDIN KU, DON GUDUN SHIGA HAKKIN WANDA SUKA SIYA, DAMA WADANDA KE SIYARWAR MUNA MARABA DA KASANCEWA DA MASOYAN MU.._*

Har aka kammala assembly É—in ba zata iya tuna abu Æ™waya É—aya data É—auka ba,bata dawo hayyacinta ba sai data tsinto sunanta ana kiranta amatsayin wadda zata rufe taron da karatun Æ™ur'ani,kamar yadda tasaba yawancin lokuta ita ake kira.

Wata baiwa ta musamman Allah yayi mata na dadin murya da iya rero Æ™ur'ani,saidai zata iya cewa ta tsani wannan kiran,kiran yakan sanyata taji gaba daya ta muzanta,kana ta tsargi kanta,amma babu yadda ta iya haka ta taka zuwa gaban taron assembly din dake cike da dalibai da malamai,cikin daddaÉ—ar muryarta dake cike da tsoro har tana É—an rawa rawa tayi basmala sannan tasoma karanto ayoyi daga cikin suratul anbiya'i shafi na qarshe.

Kamar koyaushe dukka idanu sukayi mata caa,kowanne akwai abinda ke kawo cikin ranshi dangane da ita,wanda mai tunani na Æ™arshe ke ayyana

"Kyakkyawar sura mai É—auke daddaÉ—ar murya,cikin tsaffin tufafin makaranta",abu mafi ban mamaki a idanuwansu,don kaf fadin makarantar babu wanda yake da suturar unifoarm maqasqanciya irin tata,banda Allah yayi mata baiwar tsafta da iya kula dasu da ba'asan yanayin da zasu kaya ba,ita kanta tasan da cewa zasu tashi tamkar na almajirin dake karatu a tsangayar da babu kulawa.

Gamawarta yayi dai dai da shigowar motar dake kawo afnan makaranta,wanda hakan ke nuna yau ta makara kenan,wanda ba kasafai hakan ke faruwa ba,bata daga cikin sahun daliban dake makara,gajeran jawabi aka dauraye dashi kana aka sallami kowanne É—alibi kamar yadda aka saba.

Dai dai Æ™ofar aji sukayi kaciÉ“us da afnan wadda ke Æ™oÆ™arin amsar jakarta daga hannun wata matashiya da suke kusan sa'annin juna,wadda kusan koda yaushe itake riÆ™o mata jaka da sauran abinda tazo dashi makarantar har zuwa Æ™ofar aji,wani lokaci kuma har mazauninta,duk da cewa itama É—aliba ce amma da alama an sanyata makarantar ne musamman saboda afnan É—in,don kusan itace take mata dukkan wata hidima data shafi makarantar,kamar É—auko mata jaka yayin zuwa da komawa,da kuma kuma kawo mata abincin break,siyo mata wani abu idan tana da buÆ™ata dadai sauransu.

Wani kallo ta jefawa bilkisu,wanda sarai ta ganta amma ta É—auke kanta kamar bata ganta,don ita ko É—aya bata a cikin lissafinta,hakanan bataga na meye zata damu kanta da rayuwar wani ba.

Kamar kullum kuma kamar ko yaushe,ta bada dukkanin hankalinta ga karatunta,don tanaji a zuciyarta shine abu guda É—aya tak da zai iya kaita ga tudun muntsira nan gaba,duk da bata da yaÆ™inin yadda rayuwa zata kasance anan gaba,akwai yiwuwar ci gaba ko kuwa guguwar data afko tsakiyar rayuwarta zata sanya dukkan Æ™arfinta ta sake aza mata nauyin da dole zai sanyata takai Æ™asa saman gwiwoyinta?.

Daidai lokacin da aka saba fita don É—alibai su huta na tsakiyar lokacin karatu aka kada Æ™ararrawa,babu É“ata lokaci kowanne yasoma tashi daga mazauninsa don yasamu ya sarara yakuma huta,ga bilkisu ma haka take,saidai yau ta É—anyi nawa sakamakon note da bata gama kwafa ba saman allo,gwanar sauri ce ta fannin rubutu,amma saboda wanki data mai yawa jiya a gidan umma luba na kayan sawarta yatsunta ke mata zugu har zuwa yanzu,tayi wankinne tana fatan idan an lissafa zata hada mata da albashinta wani abu ya daÉ—u akai wanda zata riÆ™e a hannunta bayan ta gama biyan bashin umma katti saboda Æ™annenta da bata Æ™aunar ko misÆ™ala zarratin tagansu cikin yunwar da bata da abun basu.

Mintina goma kyawawa ta daÉ—a kafin ta kammala,zuwa sannan ajin nasu yasoma É—umamewa da Æ™amshin abinciccika da kuma snacks kala kala,ta zuge jakarta a nutse ta maida littafinta,kana ta zari wani da zata duba zuwa lokacin da za'a koma É—aukan darasi.

Dai dai lokacin afnan da Æ™awayenta suna saman babbar darduma mai kyau da laushi da sukan shimfida suci abinci anan,wanda duka cikin kayan afnan ne da take zuwa dasu,gab da zata qaraso inda suke ta jiyo jan tsakin afnan din,cikin murya dake cike da izza tace

"Bansan nayi kuskuren zabar school din nan ba sai daga baya,nayi tunanin zata zama best makaranta cikin list na makarantun da magajiya tabani na zaba,sai kuma naga kaman ba haka ba"

"Me yafaru?" Halima Æ™awarta dake buga game a tablet dina ta fada bayan ta dakata da game din da take,kaman ba zata amsa ba sai kuma tace

"Ina ganin mutanen da ba ajin rayuwarmu daya ba a cikinta,hakan ai zubewar girma ne,qasqanta ce a wajenmu" Æ™arshen maganar tata yazo daidai da sanda bilkisu tazo dab dasu,dukka sai suka É—aga kai suna kallonta kana suka sheÆ™e da dariya,saboda sun fuskanci inda maganar tata ta saka gaba

"Don't mind mana......kinsan da yadda aka shigone?,may be 'yan alfarma ne kamar yadda basira take tare dake anan,ki gane mana" farha É—aya daga cikin aminan afnan ta fada.

Wani abu ta hadiye tanajin maganar na mata suya har cikin ranta,É—aya daga cikin dalilan kenan daya sanya bata bari koda hanya ta hadata da afnan din,saita Æ™ara sauri tafice daga ajin gaba daya,tana Æ™oÆ™arin sharewa da manta abinda kunnuwanta suka jiye mata.

Æ™arfe biyu na rana aka tashi kamar yadda Æ™a'idar makarantar take,kamar yadda ta sabawa kanta tana daga cikin sahun farko farko na É—aliban da suke riga kowa fita daga makarantar,saidai yauma tayi nauyi kamar dazun,sakamakon kwantan note da malamin daya shigo musu a period din Æ™arshe ya musu da bata kammala ba,da sauri sauri ta kammala ta hade kan litattafanta ta baro ajin,gaba daya hankalinta kuma yakoma kan Æ™annenta da gidan aikinta,tana fatan yau idan taje ta dace umma luba ta sallameta da kudin aikinta.

Kamar kowanne lokaci dai harabar makarantar zuwa wajenta akwai ababen hawa sosai,waÉ—anda dukkaninsu sunzo É—aukan É—alibai,haka ta dinga ratsawa harta samu hanya tafice gaba daya tadauki hanya zuwa gida,cikin tafiyarta dake cike da nutsuwa da kamun kai,saidai tun batayi nisa ba taji Æ™ugin mota daga bayanta,wanda kafin a ankara tazo ta wuce da mugun gudun daya haddasa tashin Æ™ura har saman fuskarta,da hanzari ta daga kai tabi motar da kallo,É—aya daga cikin motocin masarautar kaisa ne,gakuma tabbacin fuskar afnan ta glass,wanda suna haÉ—a idanu taja glass din xama ta zuge.

Kai kawai bilkisun ta kaÉ—a,wai na meye?,meta tsare mata?,da wannan tunanin da É“acin ran tadinga takawa zuwa gida,zafin rana qura da yunwa irin ta kowanne dalibi dake kwasota daga makaranta tana sakadarta.

Dukkaninsu babu wanda bai haddace lokacin dawowarta daga makaranta ba,saboda haka batayi mamaki ba data samesu zaune dukkaninsu suna dakon dawowar tata,Æ´ar rige rigen taryarta suke,tana kallonsu fuskarta cike da murmushi,zuciyarta cike da farinciki idan ta tuna a ranar yau tana da abinda zata basu suci,babu abu mafi É—aga hankali da sanyata cikin Æ™unci irin ranar da zatazo,suyi mata irin wannan tarbar amma bata da abun basu.

Sai data dora hannunta saman kan kowa ta amsa oyoyo É—insa,hauwa ce ta Æ™arshe,ta dubeta cikin kulawa

"Fillo(da yake wani lokaci da sunan da take kiranta kenan),kice yau da celebration jiki yayi kyau kenan ko?" Kaita daga tana murmushi

"Na warke yaaya,naji sauÆ™i ai,harma na É—ebowa umma katti ruwa" duban yarinyar take sosai,ba zata hanasu yi mata aiki ba saboda ko babu komai a matsayin babarsu take,saidai wani lokaci tana mamakin rashin imani da tausayin umma katti,a yanzu tana da yaÆ™inin idan ta Æ™arasa cikin gidan akwai abinci cikin abincin da take saidawa,amma babu wanda zata iya sanma cikinsu,idan kaga ta bayar ta ranar ba Æ™aramar sa'a suka taka ba,ko ranar babansu ya kawo cefane,ko wani cikin custumers dinta yaji tausayinsu ya siya musu

"Ya akai hannatu?" Bilkisu ta tatambayeta sanda take kada kansu zuwa cikin gidan ganin yadda tazuba mata idanu,saita saki murmushi tace

"Babu komai" daga haka ta hada kansu dukka suka shige ciki.

Ilai kuwa tana tsakiyar kulolin abincinta tana ciniki tana haÉ—a kan kuÉ—inta,tanayi tana 'yan waÆ™e waÆ™enta duniya tayi mata daÉ—i,donko kula da sannu da gida da bilkisu tayi mata batayi ba,itama bata damu ba ta jasu suka shige daki,domin idan da sabo ya zame mata jiki,ba baqon lamari bane a wajenta.

Tasan yunwa suke ji,saboda haka tasoma É—auko garin ta wanke tabarshi ya jiÆ™a kafin ta sauya kayanta,wanda da zarar ta dawo take fiddasu daga jikinta,bata sake tabarsu,don idan tabarsun suka sake jin jiki bata da wata madafar.

Tana canza kayan tasake lura da hannatun dai tana kallonta kamar dazun,sai data gama sanya atamfar tata riga da fallen zani wadda tadan soma jin jiki tayi haske daga ainihin kalarta ta daura dankwali sannan ta isa gaban hannunta ta duÆ™a

"Anya kuwa lafiya kike hannatu?irin wannan kallo?,kamar yau yaaya maigadon ta zama baquwarki ne?" Sai ta saki murmushi wanda idan kalura dakyau akwai abinda ke damunta a zuciya,saita sake kallon nata sannan tace

"Ba abinda yake damuna yaaya,kawai ina sha'awar yadda kike zuwa makaranta abinki,sai nakeji a raina dama nice ke,inason naga na iya karatu da rubutu irin naki,inason na zama likita nadinga saka fararen kayan nan,ina yiwa mutane allura" daga yadda take maganar zai gaya maka har cikin zuciyarta da gaskene,hakan saiya kashe jikin bilkisu,ta Æ™aÆ™aro murmushi tace

"Hannatu,wannan karatun saboda ku nake,saboda kuma ku samu kuyi karatun nake nawa karatun,karatuna nakune,na muku alÆ™awarin in sha Allahu nan gaba dukkaninku sai kunyi karatu yadda ranku yakeso,kowa zai zama abinda yakeso da izinin Allah,kudai kuyimin addu'a ko yaya nasamu aikinyi kunji" dukkaninsu babu wadda fuskarta bata faÉ—aÉ—a da fara'a ba,wanda hakan ya nuna mata yadda sukeson karatun sosai,saidan kawai babu yadda zasuyi ne,da wannan murnar tabarsu tajawo garin kwakin tasoma kwaÉ—a musu,kafin daga bisani ta rarrabawa kowa itama tazauna cikinsu sunaci tare tana sake jansu da hira,tare da basu labarin abubuwan da take da burin yi musu nan gaba idan Allah ya hore mata,hakan kuwa yasake faranta musu da basu qwarin gwiwa,kowa yadinga jefa mata tambayoyi tare da sake karanto mata abinda yakeso,bata gaza ba bata kuma qosa ba tadinga bin kowa tana bashi amsa daidai da yadda yakeson ji,tana kuma cike da fata a cikin zuciyarta ta cika musu mafarkansu.

Cikin raha da annashuwa suke ci kai kace sun samu naman kaza ne,haka kowa yacinye yasha ruwa,cikin ikon Allah dayake ba wani ci ne dasu ba duka sun Æ™oshi alhmdlh,sannan tasake gyarawa ta É—auki hijabinta tamusu sallama tawuce wajen aikinta,bayan ta jadda musu banda yawo,ana kuma idar da sallar magariba dukkaninsu suwuce makarantar magariba,itama sai an taso daga makarantar dare sannan zata dawo gida.

Tunda tafito daga gidan nasu ta fuskanci layin nasu cike yake da jama'a,a rayuwarta bata Æ™aunar irin wannan ranar da samarin layin nasu kan zauna su kafa dandalin hira,wanda yawanci duka bai wuce zancen wane da wance,meyake faruwa a wannan gidan,wancan gidan me ake ciki?.

Hakance kuwa ta kasance,don tunda ta doso majalissar aka sauya topic É—in yakoma kanta,matashi nafarko da ake kira auwali shiya soma tankawa

"Tubarkalla ma sha Allah,kaf unguwar nan....kai bama unguwar nan ba,nidai a rayuwata ban taÉ“a katarin ganin yarinya mai Æ™uruciya da kyau irin yarinyar nan ba" wani daga can sashen ya cafe zancan

"Sai rashin dace da uba da tsantsar rashin gata da talauci ba....kaini wallahi ban taÉ“a ganin asararren mutum irin ubanta ba,Allah yabaka kadarar yara mata amma kayi watsi da ita?ita kadai wannan yarinyar kadarace,ba qaramin jari bace a wajensa amma bai sani ba"sai wani shima ya kama

"Ai yarinyar nan wallahi inda ace ni wani shege ne da tuni na saka kai nayi wuf da ita,kai wannan idan tasamu wani hutun dajin daÉ—in aiba Æ™aramar mace za'ayi ba" sai sauran sauka sanya dariya,wani daga ciki yayi hanzarin katsesu

"Kai gatanan fa takusa isowa,kada kusata ta tsargu da Allah,waske kawai".

Dai dai lokacin da abubakar saddiÆ™ ke tsaye daura dasu,jikin wani shago daya siya kati ya tsaya yana lodawa,dukkanin maganganun cikin kunnuwansa sukayisu,baiko É—ago ya dubesu ba saboda hirar tasu sam batayi masa ba,hakanan yasamu kanshi da sha'awar É—aga kai yaga wacce halitta suka sanyawa idanu haka,daidai sanda yagama sanya digits na katin ya dannan request kana ya É—aga kai yana kallon sashen da yake tsammanin tanan ta taho.

Baisan ya akayi ba,baisan me yasa yasamu kanshi da binta da kallo ba kamar sauran,duk da cewa baya cikin É—abi'arsa sam,saiya lumshe idanunsa kana yabude sanda ta tserewa ganinsa,kunnuwansa sukaci gaba da jiyo masa hirar samarin suna ci gaba da É—orawa daga inda suka tsaya,hakanan yaji bazai iya jurar ci gaba dajin abinda suke faÉ—a a kanta É—in ba,saboda haka ya taka zuwa inda ya aje motarsa Æ™irar kia Æ™arama mai Æ™ofa hudu yabude yashiga yazauna yana kiran wanda yasanya kuÉ—in saboda shi.

Sun É—an É—auki tsahon wasu mintuna suna magana dashi kafin su kammala,ya datse kiran yana sauke numfashi,hakanan saiya samu kanshi da gaza tafiya yana sake nazari kan wasu abubuwa,daga bisani uzurin dake gabanshi yasanya tilas yakunna motar yana barin layin,saidai yanaji ajikinsa tabbas lallai akwai yiwuwar dawowarshi unguwar nan gaba.

Kamar kullum aiki tasamu sosai gidan umma luba,tunda ba kasafai take iya tsaiwa ta kauda komai ba agidan,don wani lokaci sammakon fita take wajen aikin nata,musamman idan akwai wani abu da za'a gudanar ko wani aiki na musamman.

Bata damu ba don ya zame mata jinin jiki,ta zage tayi dukkan abinda ya kamata,kafin wani lokaci gidan yakoma hayyacinsa sannan ta É—ora mata girki kamar yadda tabar mata sallahun ta girka É—in amma kuma kaÉ—an,don ba kasafai ma ake mata girkin ba,saboda yawancin lokaci zuwa lokaci takan taho da lafiyayyen abinci daga can gidan aikin nata,har itama wataran idan rabo ya rantse takan samu.

Tana tsakar gida bayan ta idar da sallar magariba tana addu'ar Allah yashigo da umma luba yau da wuri don tasamu zuwa makarantar dare,saboda yau zata bada haddar akhdari da sukeyi,addu'arta taci,don kuwa ana gab da soma kiran sallar isha'i sai ga sallamarta.

Cikin girmamawa bilkisu tamiÆ™e tana mata sannu dazuwa,ta amsa fuskarta a sake da fara'a tana cewa

"Sannu mai gado da aiki" murmushinta mai sanyi tayi ta amsa

"Yauwa sannunmu"

"Wayyo Allah makashin kakata" tafada tana sauke uban faggon kayan dake daure a kanta bayan tasamu gefan abun sallar bilkisu ta baje,da alamu a gajiye take sosai

"Bani ruwa in soma sha don Allah bilkisu,ki zubomin abinci yau a tsaye muka wuni,hidimar tafi ta kullum yawa" saita miqe a nutse takawo mata ruwan da abincin,sannan tasamu waje tazauna,tana jira ta sallameta tawuce.

Tana cin abincin tana sakowa bilkisun hira,duka kusan na gidan aikinta ne da irin ayyukan yau da sukayi,umma luba badai surutu ba,sai kuma akayi katari ita bilkisun bamai yawan son magana bace,amma duk da haka ita bai dameta ba,duk sanda taso hira takan zauna tayita zuba mata labarine koda da murmushi zata amsata bata damu ba,a haka harta gama cin abincin ta wanke hannu sannan bilkisu tamiqe tana jawo takalmanta

"Umma zan wuce gida"

"A gurguje haka,ki tsaya yau Allah yayi albashinmu ya iso kema na sallameki,nasan kina da buÆ™atu da yawa...kai wannan rayuwa Allah ya iya mana"ta qarashe fada tana tabe baki,bata amsa ba sai komawa da tayi tazauna tanajin ranta yana mata fari,don ba Æ™aramin jin daÉ—in samuwar kuÉ—in tayi ba.

Jakarta ta rataye data shigo da ita ta janyo,ta zuge zif din tana fidda sabbin kudi Æ™ar daga ciki bakinta har kunne tana cewa

"Ai in gaya miki yau shar damu,albashi harda Æ™ari,wai amma Æ™arin da muka samu mu samu mabuÆ™ata dake cikin anguwrmu muyi musu sadaka....kinji fa,saikace mu ba mabuÆ™atan bane,ai babbar buÆ™ata kawai najisu a lalitata,atoh"É—an murmushi bilkisun kawai tayi,don ita zancan bai burgeta ba,don wannan tana ganin yashiga nau'in ha'inci,tunda tamkar an amince maka ne an baka wani aiki amma ka gaza cikashi,banda hakama ita kanta shaida ne su umma luban suna Æ™aruwa sosai da gidan da suke aikin,saboda ana yawan musu kyautar abinci É—anye akai akai,harshi kansa kudinma koda ba lokacin albashinsu bane,hakanan suturu babu laifi masu tsada tana dasu duka silar gidan aikin,amma dayake É—an adam É—an adam ne,batasan mesuke da buÆ™ata ba kuma.

KuÉ—in aikinta cas ta irgo ta bata

"Ungo riÆ™e nan,ga kuÉ—in watanki saura na wanki"hannu biyu tasa ta karÉ“a kamar kyauta ta bata tana godiya,sannan ta sake irgo wasu ta bata

"gashi wankin ki na dubu ne da É—ari biyu" sosai taji daÉ—in Æ™arin,don bata tsammaci zata samu har haka ba

"Na gode"

"Nice da godiya ai mai gado,saboda yadda kikemin É—in nan sai Æ™alilan masu amana,tsahon lokaci ko cokali ban taba nema na rasa ba ai kuwa kinga ba duk mutum ba....ungo cikin kuÉ—in sadakar dai na bada wani abu,aidai nayi tunda na fitar komai qanqantarsu" dubu daya tasake miÆ™a mata,data hada kuÉ—aÉ—en hannayenta sai taga ta kusa tasamma dubu biyar,abinda ba zata iya tuna yaushe ne hakan tafaru ba,riqe kudi masu yawa har haka ba.

Harta miÆ™e ta sake dakatar da ita

"Sake zama Æ´arnan ki dangwali alfanun riÆ™on amana"tayi magana tana janyo Æ™ullin uban kayan data shigo dasu tana sake cewa

"yau muma mun dangwala mun dangwala harmun godewa Allah,kayan É—iya kuma jinin sarauta yauni luba a hannuna,muma zamu raÉ“awa jikinmu irin suturarsu,muji abinda suke ji,wannan karamci nasu ya isa". Tana maganar tana kokawar bude qullin kayan.

Tana kwance kayan wani daddaÉ—an Æ™amshi na musamman ya bule wajen,kayane faggo guda kamar za'a sunce dila,namijin É—aurin da aka masa yasa baka ganin yawansu sai an bude.

7/11/21, 4:28 PM - My Mtn Number: ðŸ‘‘ *SIRAD'IN RAYUWA* ðŸ‘‘

*NA*

*SAFIYYA ABDULLAHI MUSA HUGUMA*

*_Wannan littafin na kudine kuma amana ce a hannun duk wanda yasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa da kwanciyar hankali,babu cigiya,babu a dauko mana_*

09032345899

09033181070

*_KI/KA/KU DUBI GIRMAN ALLAH KU SIYA DA KUDIN KU, DON GUDUN SHIGA HAKKIN WANDA SUKA SIYA, DAMA WADANDA KE SIYARWAR MUNA MARABA DA KASANCEWA DA MASOYAN MU.._*

"Zauna ki lissafa duka Æ™annenki ki zabar musu kowa yasaka,yau fulani inajin juyen kayan drower É—insu sukayi....ki zaÉ“a na saida na saidawa,na bada na bayarwa,don ba shakka waÉ—an nan kaya yadda suke fes kamar ba'a sanyasu ba Æ™aramin kuÉ—i zan samu dasu ba Allah mai gado" murmushi takuma saki wannan karon mai sauti,tana sake jinjina son kuÉ—i irin na umma luba,kayane masu asalin kyau daraja da tsada,wanda duk wanda ya kalla koda bakasan kuÉ—insu ba amma kasani ba masu

Æ™arami ko matsakaicin kuÉ—i bane,tanajin umma luba naci gaba da sambatu gami da bata labarai,ta tsugunna tana duba su hauwa'u tana zaÉ“arwa kowa,duk da sauran tasan sun musu yawa amma haka ta É—auka musu,tana kintatar zata bayar a maida musu dai dai jikinsu.

"Ana abu a masarautar KAISA,wani abunma sai jibi idan Allah yakaimu" takai Æ™arshe tana sakin guÉ—a,da alamu dai cikin nishadi take yadda ya kamata.

Sunan masarautar dataji ya fito daga bakin umma luba sai taji duka kayan sun fice mata arai,AFNAN itace abu na farko daya soma faÉ—o mata a rai,kenan kayan sjn fito ne daga gidansu?,wala'alla ba za'a rasa nata a ciki ba,sai taji kamar ta barwa umma luba kayan,amma hakan bazai yiwu ba,saboda niyyar alkhairi tayi a gareta,dole ya hade kansu ta bata leda babba ta saka ta mata godiya kana tafito.

Kamar yadda ta qudirta din bata koma gida ba sai data shiga makaranta ta bada haddar dake kanta,saboda bata son ta rasa rana daya cikin ranakun zuwanta makaranta,musamman da a yanzu suke gab da kammala haddace qananun litattafan addini su tafi zuwa manyan,ba qaramin dadin karatun takeji qwarai da gaske,koda yaushe takan godewa Allah wanda bayan ya hanata wasu abubuwa na rayuwa amma bai hanata hasken ilimi da qaunarsa ba,ba ita ba koda qannenta a yanzu ba zaka kirasu jahilai ba ta fannin addini,tunda alhmdlh dukkaninsu suna zuwa makarantar Allo da safe,suje ta magariba bayan sallar magariba.

A hanya take tunanin abinda zata siya musu suci,saboda tasan bata bar musu abincin dare ba,hakanan babu yaqinin za'a basu suci,taso siya musu wani abun amma duka abinda ta lissafa zaija kudine,sai taliyar hausa ta fado mata a rai,idan ta siya kuma akwai bata lokaci kafin dahuwarta,mai yiwuwa su qosa ko wasu daga cikinsu ma suyi bacci,saita wuce gida kawai tana fatan asamu sauran abincin sayarwa wajen umma katti,tunda ba'a rasata da saura.

Tun daga soron gidan mamaki yacikata fal jiyo muryar mahaifinsu yana hira cikin walwala da dariya

"Allah hakimu,yau kuma wanne manzan rahamar aka saukar mana?" Tayiwa kanta tambayar zuciyarta cike fal da taraddi,ba zata iya tuna lokaci na qarshe data jishi cikin irin wannan yanayin cikin tsakar gidansu ba,idanma zata tuna din zata iya cewa tun aurenshi na qarshe da yayi suka rabu,da wannan tunanin ta qarasa kutsa kai cikin gidan.

Bata sake daskarewa ba sai data ganshi tsakiyar yaran,ko ina farantai nashe nashe da shinkafa da miya kowa na kaiwa baka,data lura dakyau ma sai take ganin kamar tsokokin kaji saman abincin,a haka ta dinga takowa idanunta akai,tana jin tamkar mafarki take

"Ke meye hanka,kalli gabanki mana,idan kuma yunwa kikeji kije ki amshi naki abincin wajen kattime" muryar mahaifinta kenan dake magana yau cikin cikakkiyar isa sabida cikakken awo da cefanen da yake ganin yayi,maganar tashi taja hankalin 'yan uwanta kan shigowarta,dukka suka bar abincin sukayi wajenta,wasu suna mata sannu da zuwa,yayin da wasu keta faman nuna mata rasha da gwabar da yau suka samu a gidan nasu,wanda sun manta rabonsu da samun koda arziqin fara damai da gishiri bare miyar kaji,wasu daga cikinsu ma namam suketa tura mata taci,saita maida hannayensu cikin sanyin jiki,don ita sam abun bai mata ba,hakanan bai burgeta ba,suma don basu gama sanin ciwon kawunansu bane,ta tabbatar da walakin,hakanan akwai wata a qasa,cikin tattausar muryarta da take tsarin halittarta tace

"Na gode,maza kuzauna kuci"

"Kujimin ja'iran yara,yo itama da nata kason ai,banson kilbibi idan zaku zauna kuci ku zauna" baban nata yakuma fada,duk sai suka zauna sukaci gaba da cin abincinsu.

Sai a sannan tadubi sashen da baban nata yake a ladabce tace

"Barka da wuni baba,an wuni lafiya"

"Lafiya lau,sai yanzu kike dawowa?" Ya fada kamar yana ganin takai dare da yawa,kai ta jijjiga kawai

"Eh....na tsaya makarantar dare ne"

"To madalla" ya amsa yana afa lomar shinkafa bakinsa,miqewa tayi zata wuce dakinsu,sai kuma ta fasa taga gwara tasoma sauke nauyin bashin kudin umma katti a kanta,saboda haka tasauya akalarta zuwa dakin nata,dai dai lokacin da baban nata ya qwalawa umman kira yana cewa

"Kattime....kinga...gwara ki fito ki sake abinki,kici kazarki kisha jar miya ki godewa Allah da budin daya kawo yau"

Wani mugun tsaki ta saki sanda bilkisu ke saka kai dakin

"Ka hutar da yawun bakinka,aiba saika fada ba abinci zancishi,tunda haÆ™Æ™ina ne Allah ya Æ™wata yabani yau,amma duk wani iyayinka da É—igiminka na riga dana daÉ—e da haddacesu,jiya bayau bafa,nasan dai Æ™arshen alawa qasa,to mu zuba mugani,Allah ya bada sa'a" ta qarashe zancan tana dukan cinya gamida zunkuda zamanta,da alama masifa tana cinta.

Sallamar bilkisun ma sama sama ta amsa mata,bata bata dukka hankalinta ba sai dataji da biyan bashi tazo mata,saita maida kai sukayi lissafi ta cire mata kuÉ—inta,tasa hannu kuwa ta amshe abinta ta linke kana ta tura mata kwanon abinci har guda biyu,daya shinkafa daya miya

"Ga naki kason nan,yau Allah yayi babu kwanan yunwa" umma kattin ta fada tana sake gyara boyon kudinta,da kallo tabi kwanukan,ita sam ko daya abincin bai bata wani sha'awa ko armashin ci ba,saboda ba umma katti ba,ko ita tasoma shanshano abinda ke shirin faruwa cikin gidan,wata Æ™ila ma nan da wasu 'yan kwanaki masu zuwa

"Allah ya amfana" kawai ta fada tana É—iban kwanukan tafice zuwa dakinsu,yaran na ganin fitowarta kuwa dukka suka bita daki sukabar baban anan,don dama ba wani sabo ko shaquwa bane tsakaninsa dasu.

Kaya tacanxa ta ninke wadancan don sune nadan fitar sannan taxauna sosai tajawo kanukan tasoma budewa,dai dai lokacin da amina wadda itace qarama a cikinsu tace

"Yaaya yau abincin yayi dadi wallahi,hadda naman zakara irin na gidansu hasana" ta qarashe maganar alamun walwala da annashuwa na bayyana muraran saman fuskarta,sai murmushi ya subewa bilkisun,yayin da hauwa hannatu da umaima suka sanya dariya

"Wai kice aikin babba ne aminatu,zakara ne bama kaxa ba"sai a sannan maganar ta bawa yarinyar dariya itama

"Ku matso maza musake ci" hannatu ta zaro ido tana sha cikinta

"Ai yaaya duk cikinmu yau ba wanda baiyi mugun qoshi ba,ni har amai nake ji wallahi,saboda nayita cine ina hutawa,don bansan yaushe zamu sake qoshi haka ba" da qaramin murmushi mai dauke da tausayi take dubansu sannan tace

"Bakin da Allah ya tsaga ai baya hanashi abinci hannatu" daga haka taja abincin tana ci,jifa jifa suna hira tana tattambayarsu abubuwan da suka faru bayan bata nan,da yake haka dabi'arta take,idan tadawo cikin hikima a cikin hira take bugar cikinsu wasu abubuwan,wanda anan ne idan taji wani kuskure da wani yayi ko ba daidai ba saita gyara mishi kota tsawatar masa.

"Ya akayi ne hauwa kuluwa?" Bilkisu tafada sanda take gama cin abincin da tsakurarsa kawai tayi ta ture,saita sauke hannun daga tagumin datayi tana murmushi

"Yaaya,duk kin fimu kyau,sai nadinga ji dama nice ke" murmushi mai sauti ya subuce mata,har fararen jerarrun haqoranta suka bayyana

"Toh?,yau kuma hauwa'u"

"Nima yaaya,na dade ina gani,ko qawayena idan sukazo sai suyita kallonki,suce kamar ba gidanmu daya ba,waike kin fimu kyau,kalar 'yan gayu dake" hannatu tayi nata sharhin daya sanya bilkisu dariya dole,sai data tsagaita sannan tace

"Kuma duka masu kyaune hauwa'u,bakigama ke 'yar fillo bace,gashinki ma yafi nawa santsi dakyau,kema hannatu baki kallon mudubi?" Maganar saita dan jefa yarinyar cikin tunani

"Yaaya" takira sunan bilkisu a sanyaye wanda hakan yayi calling attention na bilkisun sosai

"Na'am" ta amsa mata da dukka hankalinta

"Da gaske ni 'yar fulani ce?,amma ban taba ganin mamana ko 'yan uwanmu ba,tunda mamana ta tafi ban sake ganinta ba,kodai bazan sake ganinta ba yaaya,ko itama mutuwa tayi kaman mamanki?" Shuru ya ratsa dakin,yarinyar na dubanta tana jiran amsa daga bakinta bilhaqqi,maganganun yarinyar sosai suka taba ranta,suka koma soso wani sashe maigirma na zuciyarta,tausayinta yasake ninkuwa a ranta.

Kama hannun yarinyar tayi a tausashe sannan tace

"Mamanki bata mutu ba tana nan da ranta,kullum tana tunaninki kuma tanason ta ganki,amma wataran saidai kawai ki ganta tazo ganin hauwanta" murmushi ya kubcewa yarinyar,cike da nuna zumudi da kuma fata mai tarin yawa tace

"Da gaske anty?"kai ta jinjina mata alamun tabbatarwa

"Da gaske jidda" sai farinciki ya mamaye fuskarta.

Da wannan hirar ranar suka kwanta,yayin da suka tadawa bilkisun tabo sosai cikin zuciyarta,don kowanne yanuna sha'awa dason ganin mahaifiyarsa,inama ace itama zata samu dama koda sau daya taga tata uwar,ta zanta da ita ko sau dayane kuwa?,tausayin yaran take wani lokaci fiye da kanta,don gwara ita tasan dukkan wanda yamutu haihata haihata shida dawowa doron duniya,amma sufa?,ta qyamaci halin mahaifinta dakan raba yaran da iyayensu yakuma kasa riqesu yadda yakamata,yayin da wasu daga cikinsu iyayen ne a karan kansu suke fushi saboda abinda mahaifinsu ya aikata su watsar da yaran.

A daren ranar sai datayi kuka sosai kafin bacci yayi awon gaba da ita.

â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸

*MASARAUTAR KAISA*

Kamar yadda muka fada a baya babbar masarauta ce mai cike da iko mulki da wata cikakkiyar izza,tun shekarun masu tsaho da suka shude a baya har kawo yau,wanda tana gogayya da dukkan masarautun da suke maqwabtanta dama na nesa da ita,masarauta ce data cika ta tumbatsa da wani irin salo na mulki mai cike da adalci da qasaita na daban uwa uba kwarjini da daukaka da Allah yayi mata.

Babbar masarauta ce wadda take da fadin qasa,tarin al'umma,kaisa garine da yayi iyaka da kano da jigawa,garine mai albarka noma da kiwo,hakanan al'ummar ciki na rayuwa ne qarqashin adalin sarkinsu maimartaba sarki Abdallah mu'az nuhu kaisa,wanda tun tale tale na kafuwar garin mulkin garin a hannunsu yake,shi kansa gadon gado yayi daga iyaye da kakanni.

Gidan sarautar kaisa babban gidane wanda zaka iya kiranshi kai tsaye da gari guda,mai dauke da sassa sassa bisa tsari da fasali tun daga farkon gidan, gidajen Æ™ananun bayi da manyansu,bayi,masu qananun muqami da matsaikaita,securities na gidan wasu daga cikin dogarawa da sauran hadimai na gidan,haka tsarin yake daki daki har zuwa ainihin unguwar da matan sarki suke da iyalanshi da sauran makusanta.

Sarki Abdallah adalin sarki ne wanda al'ummar garinsa kejin dadin mulkinsa qwarai da gaske,yana da tausayi ga talakawanshi,mutum ne mai sauqin kai duk da awasu al'amurran bashi da sauqi ko kadan,hakanan kaifi daya ne shi,magana daya yake babu canji,mutum ne mai qoqarin riqo da addini duk da cewa yayi karatun boko.mai zurfi,don kafin zamowarshi sarki ya riqe muqamai iri daban daban masu tarin yawa,tun daga qananu zuwa manya,don har ambassador ya tabayi,kafin daga bisani yadawo gida bayan Allah ya yiwa mahaifinsa rasuwa ya amshi sarautar garinsu.

Sarki Abdallah nada matan aure hudu,ta hudun da ya aura bayan zamowarshi sariki ta rasu bayan ta haifi yarinya daya dashi,matarshi ta farko hajiya saratu ya aureta ne tun kafin zamowarshi sarki,a lokacin yana ministern mai na qasa,wanda basu jima sosai da ita ba don haihuwarta biyu Allah yayi haduwarshi da mayarsa ta biyu haj adama,wanda sun dan zauna zaman kishi lokaci maidan tsaho kafin Allah yasake yin aurenshi da Aishatulhumaira,a lokacin yana ambassador a qasar mali,diyar sarautar qasar itama kamar yadda yake.

Tun haduwarshi da ita tashiga zuciyarsa qwarai da gaske takuma tafi dashi,saboda wani irin kyau da Allah yayiwa aishan,kowa yasan yadda kalar fatarsu da yanayin kyansu yake wanda yake dan zubi da na ethopian's,uwa uba jan aji da shan qamshinta wanda ya amsheta qwarai yakuma dace da matsayinta,wata irin mace ce da Allah ya zuba mata kwarjini da farinjinin manema,don shi kansa a sannan sai daya danci wuya kafin yasameta.

Sai neman auren aishan yazama wani abu na daban wajen haj saratu da adama,tun daga sanda sukayi binciken kan wacece aishan hankalinsu yatashi qwarai da gaske,suka kasa sukuni saboda sunga cewa tako ina tafisu,sannan shi kansa mai gayya mai aikin sun fahimci kamar yana zumudin abun,duk da yadda yake qoqarin boyewa da dannewa,duk ta yadda zasu shiga a fasa abu ya faskara yaci tura,tilas daga qarshe dai suka shirya plan na tararshi gaba da gaba,suka sameshi a falo yana hutawa suka tada mishi maganar,yayi qoqarin fahimtar dasu da lallashinsu amma suka toge,daga qarshe ma suka sanya masa kuka hajiya saratu tace

"Kawai dai duka take takenka mun gane ,mun fahimci inda kasa gaba kuma mun fahimci me kake nufi,saboda Allah yabamu haihuwar 'ya'ya mata bamu haifan maka maza saboda kana sakaran ka amshi sarauta kana neman magaji tun yanzu,to ai muma bamu muka baiwa kanmu ba,kuma cikin daya haifi 'ya mace shi zai haifi da namiji" shuru yayi na mamakin kalamanta,sabodashi sam ko sau daya ma bai taba darsa wannan tunanin cikin ranshi ba,saboda babu wanda yasan gawar fari sai Allah,shi kanshi mai martaba a sannan yana nan da ranshi bai mutu ba bare yayi wani tunanin mulki.

Idanu kawai ya zuba musu,suka dinga tashin hankali kala kala har akayi auren,yabar aisha a qasarsu saboda shima a sannan yana can yana aikinsa,sam ita aishan bata damu dasu ba,duk da tana da kishi tana kishin mijinta saboda yadda take sonshi amma ko zancansu bata masa,taja mutuncinta sosai,tun bata fahimci yadda suke kishi da ita ba harta gane,saboda haka tasan halin kowacce cikinsu duk daba qasa daya suke ba,kuma abdallah baya mata zancan kowacce cikinsu amma ta fahimci kowa,macace mai matuqar saurin gano abu,kaifin basira da hangen nesa,yanayin yadda abubuwa ke gudana idan yakoma can wajensu kawai ya isa ya bayyana mata komai.

Basu sassauta kishinsu a kanta ba sai datayi haihuwar fari itama tasamu diya mace,kai kaga walwala da sakin jiki,harma suka yanke haj saratu zataje har can mali barka da taron suna,shi kansa yayi mamakin yadda suka sake din,amma bai kawo komai a ranshi ba donshi bai saka zancan haihuwar mata ko maza a wani babin ba,hasalima ya manta taqaddamar da sukayi dasu lokacin auren aishan,sai yayi murna sosai saboda yana tunanin sun sassauto ne saboda zuri'a da aka soma hadawa.

Haka kuwa akayi,ta shirya tsaf tayi siyayya ta alfarma suka tafi da duka yaran su hudu,nata biyu nimra da zunaira,sai na adama biyu Aafiya da afra.

Gidansu aisha gida ne na karamci suma,saboda haka tasamu saukar girma data sake sanyata ta bambance aya da tsakuwa,bugu da qari duka yadda suke hasashe ashe abun yawuce hasashen nasu,don yadda taga anata hidimar bikin sunan jaririyar cikin gidan nasu,aishan 'yar gata ce gaba da baya.

Tunda tazo suka gaisa aka kai mata yarinyar bata kuma bari sun hadu ba,saidai duk wani abu daya kamata ayiwa baqo dama wanda bai zama dole ba duka an yiwa saratun,takuma aiko aka mata godiyar kayan barka,saidai a jikinta taji cewa ba zuwan Allah tayi ba,to koma mene batajin zata bari kota yarda a cutar mata da diya,don tun sanda ta haifeta take mata mugun so.

Yadda saratu tazo data tashi komawa saiya zaman gwiwa kusan a sanyaye,don ta ganewa kanta abubuwa masu yawa,ciki kuwa harda kyau da Allah ya yiwa yarinyar na daban,ga uwa uba gatan data gani ana nuna musu,koda ta dawo ta baiwa adama labari sai sukayi zugum,inda daga qarshe adaman ta katse tattaunawar tasu da cewa

"Koma meye dai mu godewa Allah data yiwo mu,don inda namijine kuma saita Allahu,sai abinda idanuwanmu suka gani kenan".

Tafi tafi haka rayuwa ta dinga tafiya har zuwa sanda maimartaba ya kwanta ciwo,wanda ciwon nashi kusan shine silar daya sanya abdallah ajiye aikinsa na ambassador,yadawo gida gaba daya saboda shine babban danshi,wanda kuma sukagi shaquwa dashi fiye da kowa,wannan karon harda aisha itama tabiyo mijinta nigeria donta zauna dashi,a sannan dukka matan nashi ciki garesu,saidai akwai bambancin watanni,na saratu shine mai watanni bakwai,adama wata shida,yayin da aisha nata keda wata biyar,saboda tsayinta da yanayin shigarta yasama ba kowane ke lura dashi ba.

A wannan zaman da sukayi tare da sake karantar kowa tsaf ciki da bai,haka suma sun sake fahimtar tazarar data musu a zuciyar mijin,katsam saiga al'ummar gidanma kusan suna neman komawa qarqashinta,kasancewarta mai budadden hannu,ba baya bace wajen kyauta,duk da tarin izza da qasaitarta,duk da bata cika sakin fuska ko faran faran da jama'a ba,amma duka wannan bai damu mutane ba,da yake yanzun kusan kowa yafi ga abun hannun dan uwanshi.

A wannan lokacin tsakanin adama da da saratu kowa fafutukar ganin ya haifi da namiji yake a cikinsu,kudi suka dinga bararwa suna baiwa malamai na Allah daba na Allah ba ana abubuwa iri iri saboda su haifi namiji,gamida alqawura iri iri ga hadimansu na duk wanda yazama silar samun namiji a cikinsu zasu 'yantashi,masu 'yanci kuma zasu wadatashi,saboda kowacce tana ji a jikinta lokacine yayi da mijinsu zai karbi sarauta,wanda hakan ke nuna cewa abu na gab zuwa kansu.

Amma a zahiri idan sun hadu kowacce fata takewa 'yar uwarta nako itace tasamu babu komai,saidai kowanne ta qarqashin qasa akwai hadimansa dake masa aiki a sashen kowaccensu ba tare da kowannensu yasani ba.

Ta fannin aysha kuwa hankalinta a kwance yake,sabgarta kawai take da kula da mijinta,da kuna tayashi kulawa kan lalurar mahifinsa,sun tuttura mata sabbin fuska don su shiga jikinta kamarsu amma basu samu wannan damar ba,saboda halinta na dabanne ita,tana da matuqar wayo da takatsantsan,don haka ita basu da wani labari daya danganceta ko sassanta sai dan abinda ba'a rasa ba.

Wata biyu da dawowarsu a safiyar wata asabar saratu ta haihu,tashiga tashin hankali da matuqar girgiza sanda unguwar zoman dake amsar haihuwarsu ta shaida mata diya mace tasamu,babu jimawa labari ya karade gidan,ranar sashin nata tamkar zaman makoki akeyi,saboda kowa yasan yadda ta qwallafa rai akan da miji kuma bata samu ba,dukkanin hadimanta ranar kaffa kaffa suka dinga yi,babu wani mai qwaqqwaran motsi ko dariyar kirki,a haka labari yasamu adama,tayi rawa tayi shewa tayi juyi gaban mutanen da take gani amintattun tane,wadanda sune suka kawo mata labarin,saidai batasan cewa sune makasan nata ba,kana ta umarci hadimanta maza su shirya abinci mai rai da motsi a kaiwa saratu,itama tana bisa hanya.

Isar abincin da isarta sassan saratun ba wani tazara mai yawa,donta qagauta taje ta ganema idanunta

"Haka Allah yashirya,qaddararsa kenan" adaman ta fada cikin fuskar jimami sanda take zaune kusa da saratu wanda ke kashingide saman wata kujerar hutawa dake wani daki na musamman da aka kebe saboda hutawar.

Nannauyar ajiyar zuciya saratun ta saki,kana a hankali ta dora idanunta kan adaman,tuni labarin abinda tayi ya rigata isowa,saboda haka tar take kallonta,saita miqe tazauna sosai sannan tace

"Qaddararmu ce gaba dayanmu halan" saita san dakata tana ci gaba da duban adama tana shaqar numfashi sannan ta dora

"kuma na rantse da sarkin da babu wani saishi,indai ni saratu uwar gida ga Abdallah bani nasoma haifa mishi É—a namiji ba,babu matar da zata haifa É—a namiji cikin gidan nan".

Gaban adama yafadi tsoro yadan shigeta,kada fa yazamanto namiji ne a cikinta saratu ta aikata abinda zaisa yakoma mace,amma a zahiri saita dubeta duba na mamaki

"Tofa....kamar yaya,me kike nufi?" Sai data koma ta kashingida sannan ta bata amsa a taqaice

"Lokaci zai nuna" daga haka bata kuma tanka mata ba,saita aje mata yarinyar saitin qafafunta tamiqe tana cewa

"Lamarin ubangiji dai rubutacce ne,Allah ya qara lafiya,nina wuce" binta tayi da kallo,sai ta saki shu'umin murmushi

"Kinsan ubangiji ne adama?,muzuba mugani" ta fada cikin ranta,kana ta waiwaya tadubi yarinyar daketa bacci abinta batasan ma me ake ba,sai taji dama ta bude idanu ta ganta a matsayin d'a namiji ba mace ba,takirayi daya daga cikin barorinta tadauki 'yar ta maidata cikin gadonta.

7/11/21, 4:28 PM - My Mtn Number: ðŸ‘‘ *SIRADIN RAYUWATA* ðŸ‘‘

*_wannan littafin na kudine,kuma AMANA ce a hannun duk wanda yasiya,idan kina da buqatar a dama dake,nemi wadan nan lambobin ki saya ki karanta ta hanyar data dace cikin nutsuwa sa kwanciyar hankali,babu cigiya babu a dauko mana,SIYI DA KUDINKI KISAN KEMA KIN ISA_*

0903Â 234Â 5899

09033181070

Sanda abdallah yazo ganin É—iyarsa ya amsheta hannu bibbiyu cikin farinciki kamar sauran haihuwar,ba tare da nuna wani abu har fili da zuciyarshi,abinda yadan sake kwantar mata da hankali kenan,duk da burin dake ruruwa cikin zuciyarta wutarshi bata ragu ba bare ta mutu,taji alwashin duk tsiya duk runtsi itace zata fara samawa abdallah magaji ta kowacce hanya,ba zata taba bari wata cikinsu ta karbi wannan kambun ba.

Aisha kam sai bayan kwanaki uku da haihuwar sannan ta taka taje cikin rakiyar hadimanta wanda kusan dukkaninsu amintattun tane,saboda an hadasu ne da ita tun daga masarautarsu,qalilan ne wadanda suke haifaffun masarautar kaisa.

Tajewa da jaririya kyautar saitin gwal sarqa dan kunne abun hannu harda zobe da awarwaro,tun daga ranar bata sake komawa ba.

Suna akayi kamar yadda aka saba gagarumi,yarinya taci sunan sa'adiyya mahaifiyar saratun suna kiranta da walida,hakanan taci gaba da rainon walida tana zuba idanu kan cikin adama da aisha.

Kwanaki arba'in darda doriyar takwas akai itama adama ta haife nata cikin bayan sallar la'asar,itadinma Allah ya nuna isarsa,buwayarsa da kuma ikonsa,tun la'asar akayi haihuwar amma dif babu labarin abinda ta haifa din,tana canbtana tantama da tunanin idanuwansu ne basuga dai dai ba amma namiji ne,sam bata ta wahalar da yarinyar tasha wanda ba'a samu ta fara kuka ba saida qyar,har sai bayan sallar magariba sannan komai ya tabbata.

Sosai tashiga rudu da tashin hankali itama,don dukka malamanta kowa ya tabbatar mata da cewa namiji ne zata haifa wannan karon,abu na farko data soma fada shine

"Tabbas ba shakka wannan surkullen saratu ne,kuma wallahi bataci banza ba,sai tasan dani take zancan".

Itama tuni labari ya dade da isar mata,tasa aka shirya lafiyayyen abinci aka aika sassan adaman kamar yadda itama tamata,sannan tashirya cikin tawagarta suka je barka

"marhaba lale,ashe abokiyar tagwaitakar walida ta iso..." Ta qarashe tana dariya dariyar da zata nuna maka hakan ba qaramin dadi yayi mata ba kenan.

Adaman na zaune a lokacin tanacin farfesun naman rago,saidai jinsa take kamar tana tauna plagyl tana hadiya ne,fuskarta kai kace dare biyu akeyi,maganar saratu yasa tazuba mata idanu,kana cikin kauri da kaushin murya tace

"Burinki yacika,amma kisani...komai nisan jifa qasa zai fado,hakanan na rantse da girman Allah kamar yadda kikaci alwashi nima naci....dukkanin wanda yayimin kan kara saina masa na itace" saman cinyarta ta isa tadora mata yarinyar tana sakin murmushi sannan tace

"Ga fili gamai doki nan....saura sukuwa" saita soma takawa tafice daga dakin tabaiwa barorinta dake can falon farko umarnin su aje saqon kayan barka suzo suwuce.

Wannan ma aishan kamar wancan karon,batazo na sai bayan kwana uku,itama ta bata kwatankwacin abinda ta baiwa walida tatafi.

Tun daga wannan ranat dangantaka tayi tsananin tsami tsakanin saratu da adama,aka shiga takun saqa naban mamaki,yiwa juna zagon qasa,da zamba iri iri.

Aisha na gefe batasanma sunayi ba,dama babu abinda zai hadata dasu,yanayin halayensu yasa ta sake takatsantsan da komai da kuma kowa,hatta da diyarta bata barinta ta qetare sashenta bare tayi nisan kiwo,saboda batajin zata iya dauka idan wani mummunan abu yasameta.

Sai dukka hankulansu ya karkata yakoma ga aishan sanda tashiga watan haihuwarta,kamar tunaninsu ne yazo daya,kowacce saita soma mata aike dake nuna tsantsar kulawa,bata taba cewa kada a karba ba,amma kome suka kawo din bata yarda ya rabi inda take.

Ziyara da suka shiga kawo.mata akai akai kuwa kai tsaye ta soketa ta dakatar dasu ba tare da shakka ko shayin gayawa kowaccensu ba kai tsaye,hakan yasake basu mamaki yakuma tabbatar musu aishan da halayenta na dabanne,kuma lallai jinin sarauta na yawo a jikinta koma bayansu da za'a iya cewa taka haye.

Yadda ta fahimci sunayin saiya sanya nata qaunar samun da namiji,sai taji tanason ta haifa da namijin taga yaya zasuyi?,tanason ita tazama mace tafarko da zata samarwa abdallanta magaji.

Kwana hamsin da biyar cikin dare naquda ta kamata ganga ganga,a lokacin kusan mafi yawan al'ummar gidan da suka damu da rashin lafiyar mai martaba har zuciyarsu kusan idanunsu biyu,cikinsu harda al'ummar sashenta,a daren abdallah yana can sassan maimartaba cikin dakinsa suna fama dashi saboda yadda ciwonsa yatashi ainun fiye da kowanne lokaci,saita kira mutum biyu cikin amintattunta suka kebe iyasu suna kula da ita.

Daidai lokacin data haifi ABDUL_AZEEZ bawan mabuwayi,a sannan mabuwayin ya nuna buwaya da ikonsa yadauki ran sarki mu'az nuhu.

Kaqqarfar ajiyar zuciya tasauke

Tana furta kalmar

"Alhamdulillahil lazi bi ni'imatihi tatimmus salihat".

Ita da kanta ta hana afitar da jinsin abinda ta haifa din tun cikin daren,sai zuwa wani lokaci data shirya susani din.

Sanarwar haihuwar abdul_azeez ta karade gidan hade da sanarwar mutuwar mai martaba,wanda hakan ya taimaka wajen janye hankalin mutane wajen son sanin me aka haifa?,wanda wannan yabata damar shiryawa sosai da tsara yadda zata fuskanci gaba,ta riga data sani haihuwar abdul'azeez zai iya zame mata wani babban qalubale a rayuwarta tsakanin abokan zamanta.

Abdallah bai samu shigowa ganinta ba sai bayan sallar magariba,tana zaune tana kallon yadda yaketa faman murmushi yana kissing yaron kamar zai maidashi ciki,duk da cewa yana cikin alhini da jajjaÉ“i na rashin da yayi amma fuskarshi ta nuna farinciki mara misali,hakan shike nuna shaidar cewa yanason magaji kamar yadda kowanne mutum keso,amma shi kansa baisan yana da wannan feelings din ba,saiyau feeling din ya bayyana kanshi da kanshi

"Allah kenan,mai kyauta yakuma amsa a duk lokacin da yaga dama,Allah ya amshi mai martaba sai gashi ya bani wani copy din" cikin tayashi alhini aisha ta girgiza kai

"Allah yayi mishi rahama,yasa can tafi nan"

"Amin don annabin rahama....amma wannan fa" saiya dakata yana sake jujjuya abdul'azeez a hannunshi,sai murmushi yasake kubce masa

"Dan somalia ne,aisha kinmin wayo,ku yadauko zam,dan da alama har kalar fatar ma,na tsira da minahil kenan?" Duk da yadda zuciyarta itama take babu dadi saboda rashin da sukayi saida murmushi ya kubce mata,sai daya tattofeshi da addu'a sosai kana yamiqa matashi ya mata sallama.

Har ya fita yadawo ya dubeta

"Zan aiko da saqon da za'ayi masa amfani dashi,ki tabbata an masa amfanin dashi yadda yadace"

"In sha Allahu" ta fada

Washegari kuwa sai gashi,wani rubutune mai garin magani da za'a masa wanka dashi akan towel,sai a shanya towel din yabushe,da wani irin man shafawa da za'a dinga shafe masa duk jikinsa duk dare idan zai kwanta,kobai fada ba tasan na tsarine,kuma taji dadin hakan sosai.

Duk da wannan rasuwa da akayi hakan bai hanasu son sanin me aisha ta haifa ba,duk da basu samu zuwa ganinta ba amma sunata faman aiki gami da leqo 'yan bugar ciki ko ince leqen asiri,saidai hadiman nata 'yan gaske ne,don har sukayi suka gama basu san me aka haifa din ba,har sai ranar bakwai din mutuwar mai martaba

A ranar ne akayi radin suna ba tare da wani shagali ba saboda mutuwar

Kuma a ranar ne aka nada Abdallah kan karagar mahaifinsa,yazama shine sarkin garin kaisa.

Ba qaramin girgiza zukatan maqiya sukayi ba sanda saqon radin sunan jariri yakai musu da sunan MUHAMMAD ABDUL'AZEEZ,don haj saratu saboda tsabar rudewa cewa tayi

"Abdul'azeez ko aziza?,anya kuwa kunji dakyau?" Tafada cikin razani da rudani tana duban barorin nata.

Dukkaninsu kawunansu suka sadda kamar sun aikata mata wani laifi,sannan daya daga cikinsu tace

"Ki yafemu ranki ya dade,tuba muke....amma ba shakka abdul'azeez shine sunan yaron" sauran duka suka jijjiga kai alamun hakane

"Zaku iya tafiya" tu buqaci su bata wuri,saboda yanzu babu abinda take da buqata sai kadaicewa.

To bangaren adama ma kusan haka abun yake,amma ta dake itama takuma shirya kyautatuttuka ta aika sassan saratun hade da saqo,wanda tace tana tayata murnar samun magaji,Allah ya rayashi.

Tunda taga saqon tasan cewa da biyu adaman ta aiko dashi,hakan kuwa ya qular da ita yakuma fusatata,amma dole ta danne a idanun mutane ta amsa takuma aika mata da saqon godiya.

Bayan nan haka tasake shirya kyaututtuka kala daban daban na alfarma masu yawan gaske ta aika sassan aisha,tace kyauta ce zuwa ga yarima abdul'azeez daga uwarshi,itama aishan ta karba,takuma bada tukuici mai tsoka,irin tukuicin dake nuna zallar isa da qasaita.

Murmushi adaman tayi sanda taga tukucin,tadinga kada qafa tana ayyanawa wala'alla aisha ta yaba shi yasa ta bada irin wannan tukucin haka,take wani shiri yafado mata aranta,ta tafa hannuwanta cikin nishadi ta kashingida tana tsara yadda komai zai gudana.

Tun haihuwar abdul'azeez take nuna mishi soyayya da qauna mai yawa,wani irin so takewa yaron,yashiga zuciyarta da yawa,har takan gaza tantance shida minahil wa tafiso.

Wani kwarjini da farinjini Allah yabashi tun daga quruciya,hakan yasa ta sake takatsantsan dakuma kaffa kaffa a kanshi,ko ina zai shiga akwai sanyawar idanu akanshi saboda tsaro,wannan yayi tasiri qwarai wajen rage hanqoran mafarautan rayuwarsa,yakuma takurasu tare ta qara musu qaimi wajen ganin sun aiwatar da qudurinsu.

Ta bangaren adama kuwa ta bada himma sosai don ganin ta nunawa duniya tana qaunar abdul'azez,haka tadinga qoqarin ganin ta jashi jikinta ta yadda komai zai tafar mata a sauqi,saidai babu wannan damar daga wajen ayshan,ita da abdul'azeez din saidai ta ganshi daga nesa,idan ma kuwa zata ganshi a kusa ta gaban idanun masu tsaronshi ne.

Tsakanin fulani adama da fulani saratu tun haihuwarsu ta uku babu wadda tasake koda batan wata,hakan yasanya zargin juna a tsakaninsu,kowacce tana ganin 'yar uwartace tayi mata wani abu,hakan yasanya dukkaninsu suka sanya aka rufe mahaifar juna ba tare da sun sani ba.

Bayan haihuwar abdul'azeez da shekara hudu aisha tasake haifan diya mace wadda taci sunan mahaifiyar mai martaba suna kiranta da uswa,bayan ita sai arifa sannan sumaira da huda auta.

Kusan a iya cewa aisha itace tauraruwar maimartaba ko ace giwarsa,tun asali bawai sai zuwa yanzu ba,badon komai ba saboda dukka cikin matanshi babu tamkarta wajen damuwa da lamuransa gamida nuna mishi qauna kulawa da soyayya,hakanan halinta dabanne cikin matanshi,duk da tana da kafiya jajircewa kan dukka abinda tasa gaba.

Idan taso abu tana sonshi ne da dukka zuciyarta,hakanan idan taqi abu tana qinsa ne da dukka zuciyarta,kaifi daya ce ita,ba'a fiya sauketa daga ra'ayinta ko sauya mata al'amura ba.

Baya ga mijinta da iyaye 'ya'yanta sune abu nabiyu da take so sosai a rayuwarta,cikin 'ya'yan kuma sai abdul'azeez tashi qaunar tafi takowa,tun lokacin da aka taba samun galabar cutar dashi sau biyu ta fidda duk wani qasaita izza da isarta,ta sake qaro rashin yarda da tsaron lafiyar yaran nata.

Sosai aka samun nasarar kwantar dashi kwanciyar da ba'aso har abada yatashi ba,saidai zakaran da Allah yanufa da cara,aishan macace data yarda da malamai wadanda zata biya kudi ayi mata sauka duk wata ko sati da addu'o'i kan tsaronta dana yaranta,duk da itadin bata damu can da saitayi da kanta ba,wannan shi yakawo sassaucin lamarin Allah yayanke masa ya tasheshi da wuri.

Tun a sannan tadaura dambar dukkan wanda bayason ganin abdul 'azeez a matsayin yarima saita hanashi bacci

Ta dora buri sosai bisa rayuwarshi

Tana qaunarshi da bashi kulawa fiye da kowa cikin yaranta

Zaka iya taba kowa ta daga maka qafa amma banda abdul'azeez

Zata iya daukan komai sabodashi,hakanan zata iya haqura da komai saboda abdul'azeez

Tayima rayuwarshi babban tanadi

Taci buri da alwashin saiya zama wani shima tamkar yadda mahaifinsa yazama kafin zamantowarshi sarki

Duk wanda yakwana yatashi cikin gidan yasan zallar qaunar da take masa

Saidai duk da wannan yasan wacece mahaifiyarshi sarai,yasan tsarinta yasan halayyarta ta kaifi daya ce!

A yanzu burinta nafarko shine abdul'azeez yayi karatu mai zurfi bakin rai bakin fama,wanda take hasashen shine mataki nafarko da zai soma zama wani haske mai kaifi a gareshi dazai nunawa duniya shi,sunansa yayi fice,yakuma shiga loko da saqo na duniya fiye da sunan mahaifinsa.

Yana da wannan ra'ayin,yana da burin haka,sai akwai abu guda daya tak daya kawo sauyawar ra'ayinsa da nata,burinta guda daya daya zama tarnaqi a rayuwar abdul'azeez,buri guda daya daya kawo sabanin ra'ayi tsakaninsa da ita,abu guda daya dayake neman dagula rayuwa da nutsuwarsa,duk da takan gaya masa

"Abd'azeez,kada kace zakaja da dukkan abinda na shimfida maka,dukkan abinda nakeyi inayine saboda kai,saboda 'yan uwanka,saboda kare suna da matsayi na masarautarku data mahaifina,ka ajiye naka da ra'ayin da burin,na maka alqawarin cewa AKWAI LOKACI!".

Dukkan wani qoqari da juriyarshi ya tattarata waje daya don ganin sun tafi doro daya bisa tsari da ra'ayin mahaifiyarsa,saidai koda yaushe qoqarin nasa yana neman gazawa,akaran kanshi bashi da yadda zaiyi da kanshi,da da akwai da babu makawa zai kasance kamar yadda takeso dinne,saboda babu abinda yake qauna a duniya sama da mahaifiyarsa shima,yadda tabashi qauna haka yake qaunarta koma fiye da hakan,zallar soyayya irin ta d'a da uwa.

Wannan shine taqaitaccen tarihi kan masarautar kaisa,duka sauran abubuwan da basu bayyana ba zasu bayyana kansu a nan gaba,muje zuwa.......ðŸ¤™ðŸ½ðŸ¤™ðŸ½

7/11/21, 4:29 PM - My Mtn Number: ðŸ‘‘ *SIRAÆŠIN RAYUWATA*ðŸ‘‘

*_wannan littafin na kudine,kuma amanace a hannun duk wanda yasiya,idan kina buqatar siya ki tuntubi wannan number_*

0903Â 234Â 5899

09033181070

A hankali tasauke labulen harabar tata wadda take iya ganin dukkan abinda ke kaikawo cikin gidan,duk data sauke labulen amma saitaci gaba da tsaiwa gabanshi duk kuwa da cewa bata iya hango abinda ke ci gaba da gudana saboda kauri da nuyin labulen,amma kuma kunnuwanta naci gaba da jiye mata bushe bushe da tashin algaita data mamaye ilahirin gidan gaba daya.

"Tuba nake ranki ya dade,Idan da sabo yaci ace kun saba da ire iren wadan nan abubuwan dake faruwa cikin gidan nan" saita sauke hannayenta daga goya kana ta waiwayo tana duban wadda ke tsaye a bayanta kanta na kallon qasa cikin nuna girmamawa

"Ko jikina bazai taba sabawa da wadan nan al'amuran ba bare zuciyata,mansura...ni kadai nasan yaya nakeji a zuciyata duk sadda yaran nan yadawo hutu gidan nan,idan yatafi kan cika da fata da burin yatafi kenan,ko duriyarsa banson a sake ji,amma.....kullum jiya iyau,komai ya faskara,aisha bansan da wadanne iri bokaye da matsafa take aiki ba" takai qarshen maganar tana dafe goshinta da hannu kana ta yarfar dashi

"Allah ya huci zuciyarki,tabbas wataran haqanmu zata cimma ruwa,tunda dukkan mai nema yana tare da samu" kai kawai ta kada,ba tare data amsa maganar tata ba tace

"An gama shirya dukka kyaututtukan da kayan ciye ciyen?"

"An gama ranki yadade" ta amsa mata tana rusunawa

"Shikenan.....kije,bayan wasu lokuta akai ace injini,ina masa barka da dawowa,sannan ina nan tafe in duba lafiyar dana" tafadi maganar tana jin dacinta har qasan zuciyarta,duk wannan abun tana yine saboda babu yadda zatayi,tana yine saboda tacimma wani buri nata wanda tasoma aiki akai,amma aysha ta dakatar da tafiyar lamarin ta hanyar turashi wata qasa uwa duniya waida sunan karatu,sai taja qwafa tana neman daya daga cikin kujerun alfarma dake mamaye da qaton falon tazauna.

_fulani saratu_

Babbar haraba ce da aka qawatata da shuke shuke masu sanyaya rai da debe kewa,kashingide take saman wani tafkeken kilishi wanda aka qawata zamanshi da tuntu masu zanen gidan sarautar kaisa da wani yadi mai taushi,wanda duk da taushinsa zanen sarautar da rubutun jiki bai hanashi fitowa ba.

Ita daya ce zaune a wajen kamar yadda ta buqata takuma shaidawa barorinta bata buqatar kowa kadaici takeso tsahon mintuna talatin,saidai duk yadda taso tasamu hutu takuma katange kunnuwa da idanunta wajen jin duk wani sauti alama ko shaida na shigowar abdul'azeez cikin gidan ta gaza cimma gaci,sarewa da algaitar dake tashi saika rantse daura da itane bawai nesa da inda take ba.

Sake gyara kashingidar da har yanzu batajin dadinta tayi gamida jan wani dogon tsaki,bayan tadire tafurta a hankali

"Wannan wacce irin masifa ce!" Idanunta da zuciyarta taf da wasu al'amura da sukayi shekara da shekaru suna sukan ranta.

A hankali take takowa farfajiyar da mahaifiyartata take,duk da idan kadubi fuskarta zaka karanci damuwa qarara a cikinta,jin takunta yasanya fulani saratu daga kai tana duban inda take jiyo takun,ganin walida ce yasanyata maida kanta tana dakon isowarta

"Barka da warhaka mama" walida tafada bayan tazauna gefan kilishin da haj saratu ke zaune akai,bata amsata ba sai data koma tazauna sosai tasauke ajiyar zuciya idanunta kan walidan

"Barka kadai....ya akayi?" Kai tadan rausayar cikin nuna alhini kana ta hadiye wani abu sannan tace

"Mama....dama yau yarima zai daw....."hannu tadaga mata cikin katseta

"Dakata,bansan wani da irin wannan sunan ba,ki kirashi da sunan da mahaifinsa ya rada masa" kaitadan jinjina,tajima da sanin cewa mahaifiyarta bataso ko qaunar taji ankira abdul'azeez da wannan sunan ko misaqala zarratin

"Afuwa....abdul'azeez"shuru yaratsa nadan sakanni,tamkar ba zatace komai ba kana ta Æ™uta tace

"Gashi kuwa idanunki sun ganemiki?" Wani busasheshen murmushi da babu armashi ko farinciki a cikinsa ko misÆ™ala zarratin tasaki sannan taÉ—ora

"Akullum aikin mahaifiyarsa kenan,rufe dawowarshi harsai ana yagobe ko randa zai dawo,koda yaushe aisha gani take itadin me wayo ce,bayan duk wayonta babu ruwan Æ™addara da wannan,hmmmm".

Sam walida bata bi takan zancanta,don ita duka waÉ—annan salon maganar tasu bata cika fahimtarsu ba,asalima basa gabanta

"Mama....kaman yadawo a lokacin da bamu shirya masa ba,yadawo a lokacin dabai dace ba" sosai tasanya Æ™wayar idanunta cikin ta walidan,tana karantar rudewa Æ™arara cikin idanun nata

"Me kike tsoro?"

"Makarantata,kada mai martaba yaqi yarda da maganar tafiyata karatu"

"Akan wanne dalili?" Ta jefa mata tambayar data sanyata Æ™ara zama

"Mama,kinsan kome maimartaba zaiyi wanda yashafemu sai yayi shawara da abdul'azeez,akowanne lokaci yakance idan babu shi nan gaba shine ubanmu,kuma kinfi kowa sanin yadda bayason wata cikinmu tafita wata Æ™asa karatu,afnan kawai ta ishemu misali.....".

Kalaman walidan tamkar wani tuni ne ko fami a zuciyar haj saratu,saboda haka ta tsaida walidan

"Saboda shi abdul'azeez din shine uban kowa?,ko zamansa muke?,ko a Æ™arÆ™ashinsa muke?,wai tsoron ma me kikewa Æ™aninki?,yaron da kika baiwa kwana hamsin harda doriya....to wannan karon kuwa bazan lamunta ba,abarmin yarana suyi karatu a duk inda sukeso kuma sukaga dama,saboda shima babu uban daya takurashi,asalima shida kansa ya zabi Æ™asar dayafiso sannan yatafi,don haka zuwanki makaranta babu fashi indai ina raye,banason ma nasake jin wata magana kan wannan batun" sosai walidan taji dadi,cikin farinciki tadan rungume hajia saratun

"Allah ya qara miki lafiya da nisan kwana"

"Amin" ta amsa ciki ciki saboda bacin ran dake damunta,walidan tabude baki zata sake cewa wani abu wayarta dake saman cinyarta wadda ke jone da erpiece dake cikin kunnenta tadauki kida,saita saki mahaifiyar tata tahau duba kiran,kana tamiqe zumbur tana zura takalmanta

"Ki gayawa mabaruka akawomin ruwa da lemo" kaita gyada mata tayi gaba data amsa wayar.

A hankali jeron gwanon motocin suka dinga fakawa illa qwara daya data ci gaba da kutsa kai zuwa cikin gidan masarautar,wata iriyar mulmulallaiyar mota ce mai ruwan gold,'yar qarama ce wadda dududu bata da wani girman arziqi amma sai azabar kyau da tsada dakuma daukan hankalin mutane.

Bata tsaya ba harsai data isa qofar sassan fulani aisha kana ta tsaha cak,kamar qiftawar ido wani hadimi dake zaune gaban motar yayi wuf yafito,ya tsaya bakin qofar motar yayi qyam yana jira a bashi umarnin bude murfin motar.

Tsahon minti daya kafin ataba glass din motar wanda ya fidda sautin qwas sau daya,sautin na gama direwa a kunnensa yayi maza yabude yana cewa

"Gaba salamun baya salamun magaji ga mahaifinsa,taka lafiya cikin amincin Allah da kiyayewarsa,Allah ya kare mana kai,ya zamar maka jagora kuma majingina yarima kuma sarkin gobe"

Sautin kirarinsa yaqare daidai sanda yasanyo qafafunshi dake saye cikin takalmi half cover shoe irin na maza na zallar fata qirar qasar italy mai dan banzan kyau da daukar idanu,kafin wasu sakanni gangar jikinsa tabiyo bayan qafafun nashi,wasu shegun suit ne suka bayyana ash colour masu madaukakin kyau da jan hankali,sun zauna masa a jikinsa tamkar saboda shi aka qirqiresu,fuskarsa da hannayensa dake daure da wani tsadden agogon gwal sune abu na qarshe da suka fito,hasken ranar dake kwance saman sararin subhana ya haska kwantacciya kuma lafiyayyar fatarsa wankan tarwada,wani irin choculet colour skin wanda ko cikin wankan tarwadan ma bakowanw ke dace da irin nau'inta ba,nau'in fatar dake tsada wanda tsantsar hutu dajin dadi suka hadu suka qara mata ado da qawa da wani irin launi mai daukar idanu.

Æ™awatacciyar fuska wadda komai nata ke bisa tsari mai qayatarwa,cikakken gashin idanu da madaidaicin gashin gira wanda qasansa wasu irin madaidaitan idanune wanda basu cika girma ba,hakanan sunfi gaban qananu,saidai wani irin shape ne dasu dake dake cike da kwarjini da maganadisu dakan narkar da zuciyar duk wanda ya zubawa su,musamman 'yammata da yaken dilmiyasu cikin kogin soyayyarsa cikin daqiqu qalilan,kyakkyawan hancinsa mai matsaho da tudu wanda ya ta qasanshi ya qawatu da gashin daya zagaye fuskarshi zuwa habarshi,wanda yasha gyara da wani irin salon aski mai qayatarwa,yakuma fidda kyawawan labbansa,wadanda suke Da surkin ja,daga cikin jerarrun haqora farare tas sun sake qawata fuskar tashi,sai dimple qwaya daga daga kumatunsa na hannun dama.

MiÆ™ewa yayi sosai bayan yafito daga motar yana duban sassan mahaifiyar tasa,tsaiwar tasa ita ta bayyana yanayin tsari na jikinsa,yana da tsaho da murjajjen jiki,wanda murjewarsa yasake tasiri wajen boye adadin tsahonsa,faffadan qirji da kakkauran damtse duk da ya boye cikin rigarshi amma dukkan alamun qarfi da samartakarsa sun bayyana qarara a zahiri,duk kuwa da cewa bazai wuce shekara ashirin da biyar ba

(Lol,masu karatu zasuce wai wannan kyau haka,yawanci ko baka qimanta jarumin littafinka da wannan siffar ba kuda kanku haka kuke hasasoshi,beside ma novel din dukka yakan tafine bisa tafarki biyu,ilimantarwa da kuma nishadi).

A hankali yasoma takawa kai tsaye zuwa sassan fulani aisha,wanda a duba daya kacal da zaka masa ka tantance yadda jinin sarauta daga tsatso biyu na uwa da uba ke zagaya jininsa,yazauna masa kuma ya zame masa jiki,duk inda zaya gifta sai barori da hadiman dake sashen da wadanda wata sabga tashigo dasu dama 'yan ganin Æ™waÆ™waf sun zube suna miÆ™a gaisuwa,kamar yadda yake a tsarinsa yakan É—aga musu hannu ne kawai yawuce,a haka yadinga kutsa kai har zuwa cikin ainihin ginin dazai sadashi da falo nafarko na mahaifyar tashi.

Kyakkyawar macace hakimce saman É—aya daga cikin kujerun alfarma royal dake kewaye da falon,ta zarta munzalin Æ™uruciya hakanan batakai shekarun da za'a kirata da dattijuwa ba,duk da cewa ta tasamma shekara hamsin babu uku amma baka isa kace tana da waÉ—annan shekarun ba,mulki da tsananin hutu gamida jin daÉ—i sun wawashe kaso mai yawa na dukka hasashen da zaka iya yi mata na shekaru yaboye,saika tsammaci tana cikin shekararta ta talatin ko talatin da É—aya zuwa da biyu ne.

Wankan tarwada ce itama amma saboda hutu yasa fatarta ke nemam juyewa zuwa fara irin farin nan mara haske sosai,duba daya zaka mata kaga izza mulki dakuma qasaita shimfide saman fuskarta.

Sanye take da wani lace na alfarma wanda aka yiwa dinki na manyan mata,wuyanta kunne hannuwa da yatsunta dukka kowanne akwai abun ado,fuskarta wadace take da fara'a,tun sanda kunnwanta suka jiyo mata sautin algaita na isowar shalelen nata fara'a taÆ™i barin fuskar tata,farincikinta ya gaza É“uya.

"Salamu alaikum....Allah ya taimakeki,yabaki yawan rai,ina iya Æ™arasowa?" Dayake cikin farinciki take ayau din dakanta ta amsa mata

"Bismillah lubabatu" cikin nutsuwa da girmamawa ta Æ™araso falon,wanda ba kowa ne yataba Æ™etarashi ba,face ire irensu makusanta,kuma amintattun fulanin,fuskarta fadade da fara'a tazube a gabanta

"Allah ya qara miki lafiya tauraruwar mai martaba,hasken masarautar kaisa,uwa a wajen yariman kaisa....sarkin gobe da ikon Allah,Allah yayi,yarima ya qaraso lafiya,yana gab da shigowa nan,yana neman izini" murmushi yasube ma fulani aisha har saman lebanta,wanda ba kasafai suka fiya ganin hakan ba

"Albishir dinki lubabatu yayimin dadi,ko yaushe saqonki mai dadi ne,kije a bude miki store,kidauki dukkan abinda kikaga kinaso,ladan wannan albishir din naki...yarima kuma basai an masa iso ba,yana iya shigowa duk lokacin dayake da buqatar hakan,kice ina masa maraba" sosai tasake duqawa cikin madaukakin farinciki,tana ayyana iya abinda yau zata diba a store din

"Kinfi gaban haka Allah ya taimakeki,gado kikai ai ba taka haye bace,saqonki yanzun nan zai isa ga kunnen magajin mai martaba,godiya nake...godiya nake...." Hannu ta daga mata,don zuwa yanzu ta qagu kawai taga yaron nata,don haka umma luba tamiqe ta hanzari tafice.

"Assalamu alaikum warahmatullah" ya ambata cikin Muryarshi mai taushi,mai kuma cike da samartaka irin ta matashin da ilimi da mulki suke aiki a jikinsa,miqewa tayi tana murmushi idanunta bisa kanshi,tana jin qaunar yaron nata har cikin ranta

"Wa'alaikumussalam warahmatullah,maraba da yarima" murmushi yasake shima wanda yafidda ainihin kyansa,murmushi na daya daga cikin abubuwan dake masa kyau a dabi'unsa,saudai kash,shidin ba ma'abocin fara'a bane bare murmushin kansa,duk inda kaga murmushinsa to tabbas wajene mai muhimmanci,ko kuma wani muhimmin abune yafaru

"Allah ya qara miki lafiya da nisan kwana Ammi" yafada sanda yake isowa gabanta ya duqa saman gwiwoyinsa tamkar qaramin yaro,hannunta tasanya saman lallausar sumarshi tana cewa

"Alhmdlh,na godewa Allah daya sake kawomin kai gida hutu cikin qoshin lafiya,Allah yaci gaba da albarkatar rayuwarka"

"Amin ummina" ya amsa mata cike dajin dadi sannan tabashi umarnin tashi,yasamu daya daga cikin kujerun yayiwa kansa mazauni bayan tazauna.

Gaisawa suka sakeyi,tana karance dashi,yadda suka saba dai,saidai ta lura akwai dan sauyin yanayi tattare dashi,maganar da suka tabayi watannin baya tadawo mata akai,sai take fatan ba lamarin bane har yanzu cikin ranshi ya kasa barinsa ba kamar yadda ta umarceshi,saidai koma meye zata tabbatar data sake cire masa batun cikin ransa har zuwa lokacin data tanada.

"Kaje ka huta,bani kadai ba har 'yan uwanka na marmarin ganinka,muna da isashshen lokacin zama mu gana,har wata nawa?...." Ta tambayeshi tana dubanshi fuskarta na fidda murmushi,yana tsaye hannunshi guda cikin aljihunsa,saiyadan rusunar da idanunsa zuwa duban wani sashen kana ya amsa mata cikin sanyi

"Ba wata ba ba satittika ba ammi,i forever came back" yanayin fuskarta saiya soma sauyawa daga murmushi zuwa hade rai,wani kallo take masa wanda dama ya tsammaci sama da haka daga gareta

"Me kake cewa azeez?,kadawo kamar yaya?,bayan aqalla akwai shekara daya da wasu watanni a gabanka kafin kagama,kuma kafi kowa sani koda ka gama din bawai zaka dawomin bane yanzu,zaka dora da masters dinka har zuwa inda nake ganin lokaci yayi da zaka dawo kaci gaba da rayuwa cikinmu,karka soma,kada ka yarda kayi abinda zai bata tsarina koya batamin rai,kafin kowa sanina,kafi kuma kowa sanin tsarikana akanka,saboda haka karka soma yin duk wani abu da kasan zai wargatsa tsarina" dukkanin idanunshi yazuba mata da wani irin duba dayake nuna zallar buqatar a tausaya masa a fuskanceshi da nashi buqatun,saita dauke kanta daga dubanshi,saboda ita kanta tasan da idanunshi kadai yana iya karya lagonta,saboda wata baiwa ta musamman da Allah yayi masa cikin idanun,murya a narke hakanan a sanyaye yace

"Please ammi...listen tome"

"Kawuce ka huta,koma meye daga baya ka sanar dani,amma kasani,bazan yadda da dukkan abinda zaici karo da tsarina ba" daga haka ta baiwa kubra daya daga cikin amintattunta umarnin shigowa

"Allah yabaki nasara....aikene daga sassan fulanin masanawa...."

"A hada da nata da nasu duka ayi yadda aka saba" ta katseta ba tare data bari ta qarashe bayanin nata ba.

Shuru ya ratsa falon har kubran tafice,sannan shima yasoma takawa a hankali yabi sawayenta yana furta

"Na barki lafiya",da ido tabishi harya gama ficewar,tasauke ajiyar zuciya tana lalubar kujera tazauna bayan tadauki wayarta dake daura da ita tasoma neman wani layi,tana jin tausayinsa yana ratsata,amma tilas takauda kai saboda anata ganin tsarinta shine tsari,kuma ko meye tanayi ne don ci gabansa da alfanunsa.

A hankali yatura qofar qawataccen falon nasa cikin wata iriyar kasala ta zuci da gangar jiki,falone na qarshe wanda daga shi sai dakin baccinsa,yalwatacce kuma qawataccen falo wanda komai dake cikinsa kalolin milk ne da gold,komai qanqantar abun kuwa,komai dake cikinsa yana alamta maka gidan da kake kuma sashen wanda kake ba tare daka bata baki wajen tambaya ba,sarauta zalla,komai nadauke da tambarin masarautar,hatta kuwa da kujerun dake falon,falone wanda yake gaba gaba cikin jerin manya kuma tsararrun faluka dake kafatanin gidan,wannan shine qiyasi da wadanda suka samu katarin taba shiga falon sukayi.

Iska yafesar mai zafi daga bakinsa yana kallon manya manyan hotunan dake maqale a falo,wanda bana kowa bane face nashi maimartaba da mahaifiyarsa fulani aisha,wani shi kadai,wani shida ita,wani shida mai martaba wani su ukun,hotunane da sukayi bala'in kyau suka kuma dace da yadda aka shiryasu,hatta da frames nasu suma milk ne da gold.

7/11/21, 4:29 PM - My Mtn Number: ðŸ‘‘ *SIRAÆŠIN RAYUWATA*ðŸ‘‘

*wannan littafin na siyarwa ne,kuma amanace a hannun duk wanda yasiya,idan kina da buqatar siya ki tuntubi wannan numbers din*

0903Â 234Â 5899

09033181070

Gaban daya daga cikin hotunan ammin dake saqale ya qarasa ya isa gabanshi,sosai yazuba mishi yana kallonshi kai kace itace tsaye yana fatan ta karanci tsantsar gaskiyarsa takuma tausaya masa,ya rasa da wanne irin yare zai mata bayani tagane,duk daya fahimci ta gane inda yasa gaba,saidai bata da sha'awa ko niyyar yi masa abinda yake da muradi.

A qalla yashafe kusan mintuna goma ahaka,kana da kanshi ya lumshe kyawawan idanunshi sannan yabudesu,dai dai lokacin daya sauke ajiyar zuciya yasanya hannunshi yana sassauta daurin tie dinshi,kana ya zareshi ya jefar,yasoma rage duk wani kaya da yasan zai takura masa dake jikinsa,a haka ya isa bedroom dinsa yatura yashiga yazauna bakin zagayyen gadonshi yana cire sauran kayan da suka rage.

Sai daya gama cire sauran kayan da sukayi saura a jikinsa sannan yawuce toilet dinsa dake manne da dakin gadon.

Ya shafe a qalla kusan minti talatin sannan yabude qofar toilet din yafito daure da towel,gargasar jikinsa tayi luf saboda ruwa datasha sai sauran ruwan dake diga tun daga sumarshi zuwa qafarsa,a maimakon yazauna shafa mai saiya koma gefan gadon yasake zama,ya jawo locker dake manne da gadon yasoma laluben wani abu.

Mintina qalilan ya debo layukansa na qasar nan yasoma qoqarin cire nakan wayarshi ya sanyasu,bai kammala ba wani abu dake daga saman gadonshi yadanyi wuta gamida 'yar qararrawa,kai kawai ya daga ya kalli abun yamaida kansa ga abinda yakeyi,yasan wani ne ke falon farko yana jiransa,hakanan yakejin baison doguwar magana duk da dama haka halittarshi take,hakanan baison ganin kowa.

Yana gama hadawa yakunnata ya sanyata saman gadon yatafi gaban madubi yasoma shiryawa,nikam tsaiwa nayi ina kallon ikon Allah,kowacce gaba da irin nata man da turaren tamkar macen dake tashen budurci haka yadinga shafa kowanne a muhallinsa,yana cikin fesa body spray wayarshi tadauki tsuwwa,saiya dakata yana komawa da baya don ya duba waye yakirashin.

'Safwa' da manyan baqi shine sunan daya bayyana saman screen din wayar,saiya dauke kanshi yaci gaba da abinda yakeyi din ba tare daya daga ba,saboda yasani tariga da tasan tsarinshi,idan ta katse din ba zata sake kiranshi ba.

Saidai a wannan karon sabanin baya kiranne yasake shigowa,cikin mamaki yasake dubawa,ba ita bace sufyan ne,mutumin da yakeso ya kammala shiryawa yakirashi,babu bata lokaci yadaga wayar yakara a kunnenshi

"Thank god,yauna taki sa'a,ringing biyu kayi picking,'yan iskan yau basa kusa hala?" Yasan me yake nufi,kuma yaudin baijin wani jokes a kanshi irin wanda sukanyi lokaci lokaci a tsakaninsu,murya can qasa yace

"Kana ina?"

"Bansan wannan taqamar taka prince,ka dawo zaka fara kenan,nine maganinka,any way ina dab da shiga garin abuja ne yanzu"

"Oh shit!" Yafadi yana runtse idanunsa

"Hey friend,yaya dai?"

"Baida amfani tunda baka nan,see you later" daga haka ya katse kiran,ya cusa hannunsa guda saman sumar kanshi yana yamutsata,yana buqatar taimako,yana buqatar tallafi,yazama lallai yayi dukkan mai yiwuwa ammi ta fusakanci,ta gane matsalarshi,bayaso yakai ga fadawa ga halaka,yana qyamatar hakan matuqa da gaske,saiya nufi wardrobe dinsa yasoma binciken kayan da zai sanya da hanzari.

Falon dake manne da bedroom dinshi yadawo yazauna hannunshi riqe da wayarshi,yashafe aqalla awanni kan wayar da alama akwai abinda yakeyi kafin alamun dake bayyana anason ganinsa sushiga kadawa,karo na wajen biyar yana basarwa kafin daga bisani yatashi ya isa gaban cctv camera din dake nuna mishi duk wani sashe na gidan,ya fuskanci daga falo na uku ne,saiya shiga inda camera din falo na uku take,afnan ce tsaye bakin madannin qofar,fuskarta na nuna alamun qosawa,sanye take da doguwar riga wadda tabude daga qasa sosai tarufe har qafafunta,kanta yane da mayafi wanda iyakarsa wuyanta,tadan bubbuga qafa alamun gajiya da tsaiwar,saiya daga yabata izinin shigowa.

"Yaaya....barka da warhaka" tafada cikin nuna farincikin ganinshi

"Ammi tace zaka shigo,amma shuru munata jira,an kawo maka abinci kace a dakatar,shine ta aikoni in gaya maka,ka qaraso sassanta acan xamuci abincin rana tare" kai ya kada mata kawai,wanda hakan yasa tadan bata rai

"Yaaya,har yanzu baka daina ba?,baka bani amsa bafa"

"Am coming" ya amsata a taqaice,idan dasabo sun saba da halin miskilancinsa,wanda tun usuli haka yake,duk da kuwa yadda ammi taso ta sauyashi,koda qannenshi ne yadinga sakewa dasu suna hira amma abun yaci tura,ba kowanne lokaci magana take damunsa ba,tasan ci gaba da tsaiwarta bashi da wani amfani saboda haka tajuya tafice cikin ranta tana mita

"Shi mutum Allahn daya yishi koyaushe kaman wani kurma ko bebe,bakinsa ko tsami bayayi,saikace mai ciwon kunne wanda bayajin me mutane ke fada bare ya amsa su" da wannan qananun mitocin tafice takoma zuwa nasu sassan.

Zaune yake yana fuskantar ammin tashi cikin shigar qananun kaya da suka sake haska quruciya da kyansa,tazarar dake tsakaninsu dukka kayan abincine da abunsha nau'i daban daban

"Abdul'azeez" muryar amminsa ta ratsa dodon kunnenshi,wanda hakan yasa ya dakata daga shan tataccen ruwan inibi zalla da yaketa faman yi tun dazun,gaba daya jin cikinsa yake a cunkushe,bayajin sha'awar cin komai,saboda matsalar dake barazana da rayuwarsa yana jin tafi qarfin komai

"Ammi" ya amsa mata muryarsa a tausashe

"Matsalar dake gareka har tayi girman da zaka gaza cin abinci?" Ta qarshe maganar tana kafeshi da idanunta cikin son sake karantarsa,saiya ajjiye kofin hannunshi ya hade hannayen nasa waje daya,yana matuqar jin kunyar yin maganar da ita akoda yaushe,abu babu wani wanda zai masa maganin damuwar indai bai tsaya yabude baki yayi magana da itaba yadda yadace

"Hakan nada alaqa da cemin bazaka koma karatu ba?" Tasake jeho masa tambayar.

Wani nauyi yaji yahau kanshi sosai yadda ta tsareshi da idanu,irin wannan maganar banda abokai ba zaka iya yinta da kowa ba,to amma ci gaba da shurunshi na nufin fadawarshi halaka,saboda duk duniya ita kadaice zata lamunce mishi yasamu mafita

"Kiyimin afuwa ammi,nayi qoqarin nabi tsarinki kamar yadda kika umarceni amma hakan yaci tura,kiyi haquri ammi ki fuskanceni,idan na aikata wani abu da yake ba dai dai ba tamkar na zubar da mutunci da qimar masarautar nan dama taku masarautar,sa'annan bamusan ta wacce fuska abokan adawa zasu bibiyemu ba,wala'alla dukka abinda zan aikata din yazama sun tonoshi,yazama wani makami da zasuyi amfani dashi,wanda zai ruguza duk wani shiri naki akaina ammi,ammi....kiyimin afuwa,kamar yadda nataba gaya miki a baya" saiya sake sadda kanshi yana jin nauyi

"Ina da buqatar aure ammi,idan kikayimin,na miki alqawari bazai dauke hankalina koda ya kadeni daga dukkan qudurin da kika tsara ba,komai zai tafi yadda kike muradi ammi na miki alqawari".

Shuru ne ya ratsa ilahirin falon kai kace babu wani sauran me rai sai na'urori,kowanne tsakaninshi da ita akwai abinda ke kaikawo cikin zuciyarsa,tasani tabbas abdul'azeez tun shekarun baya abinda yake da buqata kenan,tun baikai ga furta mata ba,amma sai tayi tunanin cusa masa ra'ayin karatu tuquru dason maidashi wani madaukaki zaisa ya manta da komai yabi tsarinta,tana ganin a yanzu abdul'azeez tayi quruciya da yawa,yayi qanqanta ace yayi aure,totally bama plan dinta kenan ba,hakan yaci karo da dukkan wani tsarinta,yayin da gefan abdul'azeez zuciyarsa ke cike da fata dakuma burin samun nasara a wannan karon,yanajin cewa indai yayi failing wannan karon to kuma babu wata sauran nasara da zai kuma saka ran samu,hakanan yana tsoron abinda zai biyo baya,bashi da tabbacin ci gaba da wanzuwa a bigiren da yake kai yanzu,komai na iya faruwa dashi,duk da ko sau daya baya yiwa kansa fatan haka

"Abdul'azeez!" Ta kirashi da wani tune dake nuna komai zata fada din daga zuciyarta take gaya masa,magana kaifi guda kamar yadda dabi'arta take!

"Kamar yadda nima na gaya maka a bayane,zancan yi maka aure a yanzu yaci karo da dukkan wani tsari nawa,hakanan zai iya zama silar rugujewar komai,zan maka aure abdul'azeez....amma ba yanzu ba,akwai lokaci,zan maka aure alokacin da duniya tasan waye yarima Abdul'azeez,zan maka aure lokacin daka zama irin mutumin da nakeso,zan maka aure asanda ka qarasa zama cikakken mutum mai raza da firgita zuciyar maqiya abokan gaba da abokan adawa,zan maka auren a lokacin aure na kece raini,irin auren da zai shiga bakunan al'umma,kamar yadda na zaba maka mata wadda tadace takumayi dai dai da yarima abdul'azeez,hakanan idan kayi haquri zan cika maka daya burin naka,amma ayanzu abdul'azeez....a karo na farko ni mahaifiyarka ina mai baka haquri daka dakatar da gudanuwar wannan tunanin a ranka,gaba daya ma abdul'azeez shekararka nawa,25 years fa?,kai kana ganin da wadan nan qananun shekarun naka zaka iya daukan duk wani responsibility na aure?,gefe daya ga goal dinmu da muke son muyi achieving duka at d same time?" Saita kada kai

"Taura biyu ba zata taba taunuwa abaki ba lokaci daya,kayi qoqarin cika dukkan wani buri nawa kagani abdul'azeez,babu abinda zaka nema ka rasa daga nan har zuwa lokacin da zaka bar duniya".

Shuru yakuma biyo baya,cikin qananun mintoci qwaqwalwarsa tayi masa bitar kalamanta,sai kawai yajanyo kwanon dake cike da alkubus yasoma zubawa,saboda yana ganin no way out kuma,abinda yafimishi yaci gaba da azumin tadawwu'i da yakeyi,duk da cewa wani lokaci yakan gamu da tasgaro da wahalhalu,daga lokacin dayayi buda baki zuwa wayewar gari,ci gaba tayi da nazartarsa saidai ta kasa fahimtar kowanne yanayi tattare dashi,hakan yake wasu lokutan idan yaso,duk yadda kaso ga karantarsa sai hakan ya maka wuya,tasauke boyayyar ajiyar zuciya cikin ranta tana fata da saka ran maganar tawuce a wajenshi ne.

"Zaka koma makaranta da zarar hutunka ya qare kamar yadda aka saba,banason mai martaba yasan komai,wannan tsarina,banason kuma yasan da zamansa" kai kawai yasake jinjina mata.

"Auta?,wa nake gani kamar auta?"kubra daya daga cikin amintattun fulani aisha ke fada dai dai sanda take shigowa farfajiyar dake hade da falon da abdul'azeez da mahaifiyarsa ke zaune,cikin waninirin hanzari ta janye kunnuwanta daga laben datayi musu,sannan cikin lokaci qanqani tayi qoqarin yanayinta na masu gaskiya

"Saqo nazo zan kawowa yarima daga sassan fulani adama,to nasamu kuma babu kowa ciknku,kuma ta jaddada min muhimmancin saqon,shi yasa nayi yunqurin neman iso da kaina"

"Saqo?,wanne irin saqo?" Kubra tafada tana jifanta da duban tuhuma,saita miqa mata wani farin yanki dake nannade da wani abu a ciki,kamar ba zata karba ba sai kuma tasa hannu ta amsa tana jifanta da wani kallo

"Kinfi kowa sanin cewa idan fulani na ganawa da yarima,a irin wannan lokacin haramunne ga kowanne cikinmu yarabi wajen sai wanda ta yarjewa,kada ki sake wannan kuskuren ko gangancin,saboda data ganki da kanta kinsan hukuncinki basai na fada ba,a sauka lafiya" tafada tana nuna mata hanya,cikin girmamawa tace

"Godiya nake" kana da hanzari ta wuce kubran,zuciyarta fal farinciki na samun nasarar da tayi kubra bata ganota ba,uwa uba yau tasan tana da gwaggwaban kyauta na iyakacin abinda kunnuwanta sukaji mata,duk da maganar data jin bata zama wata cikakkiya da za'a fahinta ba,amma matuqar akayi dogon nazari ana iya fahimtar wasu abubuwan.

Tsaye tayi tana nazarin yadda tasamu auta a tsaye bakin qofar,bata karanci wani abu ba,amma hakanan taji hankalinta bai kwanta da ita ba,saita jujjuyaa saqon kana taju tafice dashi,don tasan koda an isar dashi ga fulanin abinda zatayi shi zatace nata tayi itama.

Daidai lokacin da wayarta dake saman cinyarta tadauki tsuwwa,tamaida idanu tana kallon kiran uswa babbar diyarta da bata jima da aurarwa ba,wadda ke aure a masarautar kano dake shigowa wayarta,ta dauki wayartata daga saman cinyarta kana tasake cewa

"Maimartaba yana bahrain,dazun kafin isowarka suka tashi,yatafi taron sarakunan arewa,yace ka nemeshi da layinsa nacan" daga haka tadauki wayar uswa din.

"Zaka koma makaranta da zarar hutunka ya qare kamar yadda aka saba,banason mai martaba yasan komai,wannan tsarina,banason kuma yasan da zamansa" fulani adama tasake maimaita maganganun da auta ta gaya mata,ta jujjuyasu tana nazarinsu yafi sau shurin masaki,karo na wajen goma sannan tamiqe tasake tattaki hannayenta goye a bayanta,cikin murya mai amon sauti tafurta

"Nasani wallahi nasani,tabbas akwai wani boyayyen abu da aisha take boyewa,ba shakka nasan da wannan,babu yadda za'ayi ke daya tal kika haifi da namiji wanda babu ko shakka ayau mahaifinsa yarasu ko yayi murabus zai maye gurbinsa,amma ace kin turashi karatu wata uwa duniya,kin zareshi daga dukkan wata harka ta sarauta tamkar shidin agola ne ba jinin gidan ba,tabbas akwai abinda aisha kike shiryawa" saita waiwaya tadubi auta

"Inama ace kin samo gundarin jimlar cikakkiyarta,ba shakka da ayau kin karbi 'yanci" sosai furucin yabugi auta harya sanya jikinta tsuma,tazube gaba daya kan gwiwoyinta tana duban fulani adama

"Indai hakane....namiki alqawarin bankado miki dukkan wani shiri nasu muddin numfashina matuqar zan zama 'ya"

Kai fulani adaman ta jinjina tana fidda murmushi kana tamata nuni da tana iya tafiya.

â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸â˜€ï¸

Tamkar wadda aka bugewa gwiwoyi haka ta dinga qarasowa gaban gidan nasu idanunta qur kan gidan kamar wadda keson fahimatar yanayin gininsa don zana taswirarsa,duk wata yunwa da gajiyar tafiyar qasa data kwaso daga makarantar zuwa gidan tatafi babu ita,a yanzun fargaba kasala da mutuwar jiki su suka maye gurbin wadan nan.

Masu aikin gini keta kwaso qasa daga ciki suna fiddota waje,wanda kana ganin yawan qasan zakasan cewar wani sashe na gidan aka buge yabada wannan qasar,mahaifinta na coge qofar gidan cikin 'yan aikin yana sake musu bayani da wassafa musu abinda yakeso suyi masa,da gaske ne kenan hasashenta na dab da zama gaskiya?.

Hankalinta yayi matuqar nisa cikin duniyar tunani,har ta manta da cewa tsaye take qofar gidan nasu,saida taji wani hannu dake cike da qasa yana tabata ana cewa

"Yaaya oyoyo" sannan hankalinta yadawo jikinta,saita waiwaya tana duban gefanta,umaimace,jikin nan yayi budu budu da qasa kai kace tayi birgima ne cikin yashi

"Ya haka umaima,meyasaki wasan qasa bayan na hanaku"

"Gini ake mana yaaya a gida,sabon gini,har cikin dakinmu ma" tayi maganar cikin zallar quruciya gamida nuna murnarta a fili,lallai quruci dangin hauka,batasan hakan me yake nufi ba shi yasata take wannan farinciki,to amma kuma mamakinta datace gini har a cikin dakinsu,kada dai ace abinda yatabayi shiya sake maimaitawa,cikin sauri taja hannun umaiman suka shige cikin gidan da saurinta.

Duk da wannan aikin ginin hakan bai hana umna katti sana'arta ba,saidai duba daya zaka yiwa fuskarta kasan yau koma me aka mata a cike take fam,a nutse tabi tsarin ginin da aka soma yiwa kwaskwarima da kallo

"Ina mahaifinta yasamu kudin yin gini?,bayan yau kwanaki biyu baisiyo koda qwayar hatsi ya kawo gidan ba?" Tayiwa kanta wannan tambayar,babu mai bata amsa,hakanan tambayar bata da wani cikakken amfani a wajenta,tunda bayau tasoma gani ba,kusan wannan shine karo na uku a iya girmanta bayan tayi wayo cikin abinda zata iya tunawa,banda abinda yafaru cikin quruciya

"Me kike ne haka akaina,idan zaki gaba gwara kiyi karki fado kaina,don wannan ba abun mamaki bane wajen ubanku mai halin 'yan bunsuraye,wanda bai ganin akuya ya qyale ba tare dayabi ba,tunda kikaga haka ai amsar dayace,yaga wata akuyar ne zaibita" maganganun umma katti masu matuqar muni da kaifi suka katse tunaninta,saita maida kanta ga umma kattin bayan ta janye baya,da alama tun dazun take neman hanyar fidda kalaman bakinta,amma abun yayi muni da yawa,idan bata duba 'ya'yanshi ba da wasunsu a sannan ke cikin gidan a qalla ya kamata ta duba masu siyen abincinta da maginan dake wajen,idan su ba baqi bane game da yadda sukan aibata junansu maginan da masu siyayyar fa?,saita janye hannun duka qannen nata zuwa dakin nasu da tunkafin ta qarasa ta fuskanci aiki yabi ta kansa.

Ilai kuwa an kwakwashe kusan rabin dakin an bar musu dan ragowar filin da take da tabbacin ba qaramin quntata zasuyi ba yayi zamansu,tunda dukkaninsu qara girma sukeyi,wannan ne karo nabiyu daya taba datsar dakin nasu yaqara cikin gininsa duk sa'ilin daya tashi aure,cikin baqinciki take duban yadda kayansu sukayi budu budu da sumunti,tana tuna awanni shida baya kafin ta fita makaranta yadda suka hadu ita da qannen nata suka killace kayan da dakin tsaf gwanin sha'awa,amma idan ka kalleshi a yanzu ba zaka tsammaci haka ba.

Saita nufi akwatinta da sauri tana addu'ar Allah yasa kudinta data adana musu suke jalauta rayuwarsu basu salwanta ba,tajawoshi tabude tahau dubawa.

Nannauyar ajiyar zuciya tasaki harda lumshe idanu lokacin data iskesu yadda suke

"Mai gado!,ke bilki!" Muryar mahaifinta dake kwada mata kiran mafarauta ya ratso dakin,da alama dab yake da isowa,sai tayi hanzarin cusa kudin tsakanin cinyoyinta,daidai lokacin daya qaraso din

"Au,kema baqinciki kike da raya sunnar da mahaifinki zaiyi?" Yajefa mata tambayar da batasan hawanta ba bare saukarta,bata da wata mafita illa girgiza kai alamun a'ah

"Yar nema,sai anyi magana saiki shiga kadawa mutane kai kamar namijin qadangare,to idan ba baqinciki kike ba kina ji ina qwala miki kira ki kasa bude baki ki amsa min?"

"Banji bane baba,kayi haquri" tafada cikin rauni da sanyin murya,yanayin yadda tayi maganar saiya tuna masa da mahaifiyarta maimunatu,sai jikinsa yadanyi sanyi,ya qaraso cikin dakin yana dubanta

"Kiyi haquri maigado,ina nema mana sauqine kinji?" Yafada cikin muryar lallashi,cikin mamaki ta daga kai tana dubanshi,sauqi kuma wanne iri?,bataga wani alamu na neman sauqi daga mahaifinta cikin rayuwar da suke ciki ba,ganin bata fahimta ba saiya sake cewa

"Eh,kinsan annabi yace idan kana cikin talauci kana da mace daya ka ta biyu,idan ka qaro baka rabu dashi ba ka qaro ta uku,idan ka qaro baka rabu dashi ba ka cike ta hudu" tamau kanta ya qulle,duk da tasani babanta yayi dogaro da wannan hadisin qaryar ne tunda dadewa yake aikata dukkan aure aurenshi,hadisin da bashi da tushe balle makama,hadisin da bashi da muhalli ko digo cikin addininmu,hadisin qaryar daya halakar da magidanta da dama,amma tana da yaqinin a yanzun bazai taba fahimtar bayaninta ba idan ma tace zata fahimtar dashi

"Don haka shi yasa naketa wannan abun ko Allah xaisa a dace....nadan ragi dakinku zan mata bandaki a cikin dakinta,saboda balaraba tacemin batason bandakin hadaka,kinsanta gwanar tsafta ce,Allah dai yakawota zaki ganewa idanunki" ya qarashe maganar yana washe baki kamar wanda aka yiwa albishir.

Itadai kanta na duqe a qasa takasa koda dagoshi saboda kunya da nauyi harya gama maganarshi yamiqe tsaye,saiya sanya hannunshi a aljihunsa yafiddo dari

"Ungo wannan ki riqe a hannunki keda qannenki kuci abinci,karki bari wancan baqar kadarar tagani don silaina yau bazai shiga hannunta ba 'yar baqinciki,nasan yadda kiketa dawainiya dasu,kedin diyar albarka ce,kinyo gadon halin uwarki,Allah yaqara miki himma,yabaki miji na aurar dake na huta,ko yaron nan yamiki magana zai fito maigado karki masa halin miskilancin nan naki na banza,ki bashi dama kinjiko?" Bata da wani xabi illa tace masa to,saboda ta qagu ma yafice din yabasu guri.

Ranar bazata fita aiki ba saboda umma luba ta gaya mata zatayi kwana biyu gidan sarki,don haka tazage ita da qannen nata suka gyara ragowar filin dakin daya rage musu suka goge simintin da tsumma.

7/11/21, 4:29 PM - My Mtn Number: ðŸ‘‘ *SIRAÆŠIN RAYUWATA* ðŸ‘‘

*_wannan littafin na kudine,kuma amanace a hannun duk wanda yasiya,idan kina ds buqatar siyan naki kema ki garzaya ki nemi wadan lambobin_*

09032345899

Ya jima tsaye gaban mudubi yana qarewa kanshi kallo kai kace wata matashiyar budurwa ce data gama ado tanason tantance meye baiyi ba a jikinta tasauya,saidai shi tsaiwar da yayi sam bata da alaqa da irin wannan,yana tsaye ne yana duban kayan da amminsa ta aiko mishi dasu ayau,wanda yana da tabbacin nuni take masa da cewa ya aje qananun kayansa yakoma irin wannan shigar har zuwa lokacin da zaya koma inda yafito.

Kayane irin nasu na sarakai,wanda suka ji aiki ko ina dake nuna zallar sarauta,wani irin yadine ruwan bula mai turuwa wanda aka yiwa aiki da goldin din zare,sai wasu lausassan takalma rufaffu masu wata iriyar lanqwasa daga gabansu,hakanan an shirya musu duwatsu masu haske da qyalqyali daga samansu,takalma ne masu matuqar kyau daraja da tsada na zallar fatar damisa da gashin jimina,sai rawani da aka nada mishi wanda yadace da shigar tasa da kuma kalar kayanshi,yasan kuma ta sanya rawanin ne saboda umarnin data bashi nayau ya tabbatar yashiga anyi xaman fada dashi.

Sosai shigar tasauya kamanninsa,saidai ta qara masa kwarjini dakyau,tasake maidashi wani mai shekaru ta boye quruciyarsa.

Yana mamakin yadda ammin ke nuna mishi qauna da gata mai yawa amma ta gaza faranta mishi kan abu daya,abu dayan dashi a nashi ganin da kuma wajensa bai daukeshi a wata matsala ba.

Don kanshi ya gaji da tsaiwar,ya daga kanshi a nutse yaduba agogo,lokacin daya kamata ace yashiga yayi,saboda haka yanufi wayarsa da niyyar sanyata a silent yasakata a aljihunsa.

Saidai yana tsaka da qoqarin maidatan kira yashigo wayar tashi,kamar kowanne lokaci sunan Safwa yabayyana kan fuskar wayar,saiya tsaya yana duban sunan kamar baqone a wajensa,baisan iya adadin sau nawa tayi kiranshi ba daga dawowarsa zuwa yanzu,saidai kosau daya bai daga ba bare yabi bayan kiran nata bayan ya tarad da miscal,hasalima wasu lokutan shine da kanshi yake rejecting,don sam baiga amfamin ci gaba da tarayyarsu ba,tamkar ciwone,wanda maimakon azuba mishi magani sai ake bashi guba,saboda haka yasanya hannunshi yayi rejecting da kansa kana yaci gaba da abinda yake.

Kamar hadin baki kiran sufyan yasake shigowa,ya dakata daga qoqarin sakata a aljihu da yakeyi,ya daga kiran yakara akunnenshi

"Mazaaa.....ya mutumina kana gida ne?" Ya fada da alamun nishadi saman fuskarsa,cikin salon maganarshi dake cike da qasaita yace

"Ya akayi?,ina gida....but amma zan shiga wajen maimartaba za'ayi zaman fada dani" wani dan qaramin ihu sufyan yasaki najin dadi

"Kace kawai zaka soma shiga harkoki kaga ya suke?" Qaramin tsaki yaja saboda shi sam a yanzun ba wannan bane babbar damuwar dake neman durqusar da rayuwarsa ba

"Ba wannan ba.....tunda nazo bamu hadu da maimartaba ba yayi tafiya,sai cikin daren jiya yadawo....."

"Ohkey....anjima zan shigo,ina fata nasamu daddadan labari na amincewar ammi?"

"Aside this matter sufyan,saika shigo kawai" daga haka ya datse kiran yana jefa wayar a aljihu,sannan yasoma ficewa daga dakin.

Duk inda ya gifta saiya tsaida zirga zirgar duka wani hadimi ko barori dake kaikawo cikin gidan har sai yawuce,kwarjininsa kadai ya isa yacika maka idanu,kowanne sashe yagifta gaisuwa suke miqa mishi,basu damu da yadda yake wucewa ba tare daya damu dako daga musu hannu ba,saboda sun riga sun kwana sun tashi da tsabar miskilanci irin na abdul'azeez din,wannan ba wani sabon lamari bane a wajensu.

Tun daga nesa ya hangota tana tahowa ita da airah,diyar fulanin masanawa tafarko,wadda duka duka ba zata wuce shekara goma sha biyu ba.

Tunda suka hangoshi kowacce cikinsu tasake shiga nutsuwarta,shikam yi yayi kamar bai gansu ba,saidai yana sane da tahowarsu,saboda komawarshi ta qarshe yaba qwafe da walidan,yasha attempting na koya mata hankali ammi keda dakatar dashi

"Ba abinda bazaka gani ba tattare da yan uwanka...amma abinda bakeso dakai shine,babu ruwanka da ita,kadauke kai da idanu daga dukkan abinda zatayi".

Saidai wani abu guda,tun yana qanqani mutum ne da baison raini,yadda jinin sarauta ke yawo ajijiyarsa haka kusan dukka halaye da dabi'unsa suke,hakan yasanya lamura da dama babu ruwanshi dasu.

Suna gab da iske juna yayiwa dogarawanshi inkiya,tuni suka bace daga farfajiyar,kowanne yasamu saqo da kunnuwanshi bazasu jiyi tattaunawar abdul'azeez da 'yan uwan nashi ba yatsaya qyam yana jiran umarni

"Barka da warhaka hamma yarima"airah ta fada cikin girmamawa yayin da walida ke qoqarin wuceshi tamkar ma bata ganshi ba ko bata sanshi ba,duk da yadda zuciyarta ke tsalle saboda tsaro dakuma kwarjinin abdul'azeez daya cika wajen.

Wata gigitacciyar tsawa ya daka mata data sanyata tsaiwa cak,take cikinta yajuya fuskarta tasoma hada gumi,amma sai tayi yunqurin saita kanta sanda kalaman mahaifiyarta yafado mata

"Karki sake karki kuskura kici gaba da bashi wata qofa da xaisa ya rainaki,kin bashi kwanaki kusan dari a duniya kafin isowarshi,karki yadda kwarjininsa ya firgitaki koda kinji razani a ranki.....haka halittarsa take,amma dole mukoyi fada da wannan kwarjinin nasa....wanda nake da yaqinin annamimiyar mahaifiyarsa ce ta nema masa....".

Taku uku yayi zuwa gabanta yana duban shigarta sama da qasa,shigace da sam bai dace ace tana ratso cikin gidan da ita ba,gidan dake da tarin hadimai maza da mata,ya mata jan kunne kusan kashi uku akan hakan amma bata sauya zani ba,saboda daurin gindi data samu daga wajen mahaifiyarta.

Dauke kai yayi kana ya gotata kadan kamar zai shige,idanunsa kan airah da take cikin yalwatacciyar doguwar riga da wadataccen mayafi,sam mahaifiyarta bata barinta tayi qazamar shiga tun tana qanqanuwarta

"Saunawa naja miki kunne kan dressing dinki cikin gidan nan?" Cikin tsananin jarumta ba tare data iya juyowa ba sun hada idanu tace

"Gaskiya abdul'azeez kafita daga sabgata.....idan ka manta bari na tuna maka,nidin yayarka ce,gaba nake dakai" tana kaiwa tasauke boyayyar ajiyar zuciya,wani qaramin miskilin murmushi yasaki,yamiqa hannu yariqo airah kana yadawo gabanta yatsaya yana duban qwayar idanunta

"Ko kadan baki taba wani abu dazai nuna cewa gaba kike dani ba,beside ma ayanzun koda bakiso nine gaba dake.....shigar qanwarki bata isheki misali ba?" Saiya daga yatsanshi yanunata dashi

"Wannan shine karo na qarshe dazan sake jan kunnenki game da wannan....ki kiyaye" saiya saki hannun airah yasoma tattaki zuwa gaba,kana ya basu alamar ya kammala da abinda yake,cikin sakanni suka bayyana sukaci gaba dayi masa tattaki har zuwa fadar.

Æ™awatacciyar fada ce mai girma da yalwa,wadda tana jerin É—aya daga cikin fadodi na alfarma cikin jerin fadar da sarki mu'az yake da ita,komai na cikin fadar kama daga shimfidu na alfarma zuwa kujerun zama,adon zanen (dagi) dakuma dardumai dake jikin bangon dukka golden ne da ratsin silver gami da maroon wanda kusan yafi yawa.

Hakimai da yawa sun isa gurin a sannan,harda shi kansa mai martaban,saboda haka yaratsa cikin nutsuwa ya isa gaban mahaifin nashi ya miqa gaisuwa kamar yadda kowa yakeyi sannan ya yiwa kanshi masauki daura da mai martaban.

Sun shafe a qalla awanni biyu cur ana zaman fada kafin daga bisani mai martaban yasoma sauraron shari'u daga talakawansa,abdul'azeez yana zaune daga gefe yana kallon yadda mahaifinsa kebin komai daki daki cikin hikima,kana yayi hukunci bisa adalci,sosai abun yaburgeshi,saiyaji duk a zaman wannan yafi qayatar dashi,zaman yatashi aka rufeshi da addu'a,maimartaba yawuce zuwa sassansa bayan yasa an shaidawa abdul'azeez umarninsa na cewa yasameshi a sassansa.

Su biyune rak cikin falon duk girmanshi,sai tarin kayan abinci da kayan marmari da aka ajiye musu

"Matso abdul'azeez" cewar mai martaba yana duban abdul'azeez din cikin tsantsar qauna da kulawa.

Sau tari abdul'azeez din kanyi mamakin yadda mahaifin nasa ke sakewa dashi sosai,sukanyi hira cikin yanayin da dazaka ganshi kai bakace shine MAIMARTABA SARKIN KAISA BA.

A bayan fage mu'amala yake musu irin ta uba da 'ya'yansa,bama iya abdul'azeez din kadai ba,har duka sauran 'yan uwanshi ma.

Cikin girmamawa yamatso,yasanya hannu kamar yadda shima maimartaban yasanya nashi hannun,duk da abdul'azeez don ba gwanin cin abinci da hannu bane,amma wannan karon abun saiya qawatar dashi.

"Yaya makarantar?,da fatan komai yana tafiya yadda yakamata?" Ya jefa masa tambayar sanda suke tsaka dacin abincin,kaiya jinjina yana qoqarin hadiye abincin bakinsa

"Ina fatan babu wata damuwa?,don na qagu lokacin da zaka kammala karatun yayi kadawo cikin ahalinka" kai yakuma gyadawa kamar wani qadangare yana qoqarin boye abubuwan dake yawo saman fuskarshi,don yasani sarai maimartaban ba baya bane wajen iya karantar mutum shima tamkar amminsa

"Ma sha Allah,Allah ya taimaka"

"Amin Allah ya taimakeka" yabashi amsa a ladabce.

Shuru yasake ratsawa kafin maimartaba yasake magana

"Ga 'yaruwarka nan....ta dage itama so take tafita koda egypt ne ta hada degree dinta" amamakance abdul'azeez yadaga kai yana duban maimartaba,sai akayi arashi shima shi yake kallo,hakan yasa yadan sauke idanunsa qasa yana ci gaba dakai abinci bakinsa,ko kusa ko alama baya yiwa 'yan uwanshi mata sha'awar barin qasarsu zuwa wata uwa duniya neman karatu har wata qasar,saboda su kadai sukasan me idanunsu suke ganemusu,yaran musulmi 'yan arewa hausa amma idan kagansu saika rantse da sarkin daya halicceka basusan wata kalma kota ZO IN KASHEKA da hausa ba,hakanan saika rantse basusan inane alqibla ba bare kayi musu tunanin musulunci,shi a karan kansa yatuna yawan 'yamnatan dake kara kaina da artabu a kanshi,duk da sautari kwarjininsa na taka musu burki,uwa uba bashi da fuska kamar yadda sauran samari keda ita,sakewa da sakin jiki da fuskawa duk wadda ta doshesu.

"Abdul'azeez" kiran damai martaba yamasa yadawo dashi daga duniyar tunanin daya tafi,saiya dago yana duban mai martaba,dakatar dacin abincin yayi shima kamar yadda yaga mai martaba ya dakatar

"Ka gayamin meye ra'ayinka kan hakan,don ban sake magana ba kan lamarin ba,ba jirayi dawowarka ne,saboda kaidin watan watarana kaine uba a wajensu,koda kuwa akwai wadanda suka girmeka a cikinsu".

Cikin nutsuwa yabude baki yasoma magana

"Inda zai yiwu Allah ya qara maka lafiya....ni a nawa ra'ayin bana sha'awar daya cikinsu tafita wata qasar karatu....koda wacece kuwa a cikinsu.....,zaifi kyau dakuma kwanciyar hankali kowacce tayi karatu a qasarta....koda bazasuyi ba cikin qasar KAISA ba" daga haka yayi shuru yana jiran abinda maimartaba zaice.

Kai yake jinjinawa,shi kansa wannan hukuncin shine hukunci mafi kwanciya cikin ranshi,sai yaji abdul'azeez din nasake samun wani matsayi na musamman a idanunshi,kamar yadda halayensa da dabi'unsa suka banbanta hakama tunaninsa,duk da qananun shekarunsa da basu haura ashirin da biyar ba

"Wannan tunanin naka yayimin abduk'azeez,Allah ya albarkaci rayuwarka kaida sauran 'yan uwanka"

"Amin ya Allah Allah ya taimakeka....godiya nake".

Daga haka suka shiga tattaunawa kan wasu lamuran daban,wasu sun shafi masarauta ne kai tsaye,wasu kuma sun shafi al'amuran da suka dangancin sarki mu'az a karan kanshi.

Saida lokacin sallah yayi sannan suka tashi,yafita yabar maimartaba yana shirye shiryen fitowa don halartar sallar azahar cikin jam'i a masallacin dake mallakin masarautar kamar yadda yasaba duk lokacin da yake qasar matuqar ba tafiya yayi ba,wanda hakan yasake tasiri qwarai a zukatan dukka jama'ar gidan dama sauran al'ummar dake wajen masarautar.

Doka ce cikin gidan naduk wani bawa hadimi ko barori su saki dukkan aikin da suke da zarar lokacin sallah yayi suje suyi,wannan na daya daga cikin sirrika na daukakar masarautar,da samun wani irin kwarjini da haiba na musamman.

Yana gab da isa masallacin saqo ya riskeshi na nemanshi da amminsa take,hakan yasanya suna kammala sallar yawuce sashen nata,duk da yaso yafita yadansha iska yaga garin sosai,don tunda yazo bai samu ya miqe qafa ba,sai yake jinsa duk a takure,sakamakon sabo da yayi da qasar daya fito,wanda take wadace da guraben hutawa dakuma shan iska.

A falo na uku yau yayi burki,jakadiya ta isarwa da ammi saqon zuwan nashi,daidai lokacin tana zaune tana waya da babbar aminiyarta qwaya daya a duniya,wadda take iya raba sirrinta da matsalolinta da ita,kamar yadda itama take raba nata matsalolin da ammin,saboda tsabar shaquwa dakuma dadewa da sukayi tare tun zuwan ammi qasar nijeria,saita yanke kiran tana bawa surayya uzurin zata kirata.

Kamar koda yaushe,cikin shiga ta alfarma dake nuna izza da mulkinta ta tako zuwa falon

"Barka da warhaka ammi" ya furta yana duban yanayin fuskarta,bata amsashi ba har sai data zauna kana ta amsa masa,tare da jefa masa tambaya

"Meya faru tsakaninka da safwa?"

"Takawo qarata kenan as usual?" Ya tambayi kanshi da kansa can qasan zuciyarsa ba tare daya furtawa ammin ba

"Babu komai....takawo qarata ne?" Da idanu ta kafeshi nawasu sakkani sannan ta amsa mishi

"Tabbacin baka da gaskiya kenan,ka gayamin meya faru tsakaninku?.....ta shaidawa jakadiya kadaina daga wayarta tun sanda kadawo,hakan na nufin kasoma daukar mataki na bijiremin?" Kai yakada,sam shibai kawo hakan a matsayin wani abu ba,saidai tuncan mutum ne shi da baison takura ba,bare shidin dabai dauki soyayya abakin komai ba bare tadameshi,hasalima yayiwa kanshi alqawarin bazai taba soyayyar ba,hakan yasanya yabaiwa ammin tashi hadin kai dari bisa dari lokacin data zaba masa safwa a matsayin matar da takeso ya aura aduk sanda lokacin auren yatashi.

Ya auna safwa kan mizanai saiyaga tacika kaso saba'in cikin dari,hakan yasanya yaga bashi da wata matsala da hakan,zai iya karbarta.

Safwa diya ce ga wani hamshaqin dan kasuwa ibrahim khalilu attah da yayi suna yayi shuhura hakanan yayi fice a garin kaisa kano jigawa dama sauran garuruwan dake arewa harma da kudancin nigeria,dan kasuwa ne na gasken gaske wanda ya mallaki kadarori masu tarin yawa ciki harda rijiyoyin man fetur,safwa ita daya Allah yabasu,hakan yasanya tasamu gata na gaban misali,hakanan tatashi cikin wadata ba tare da tasan wata kalma da talauci ko babu ba,shagwabbiya ce wajen iyayenta,suna matuqar ji da ita dakuma lelenta,hakanan suna gudun duk abinda zai bata ranta,safwa nada kyau dai dai nata,fara ce qal wanda hakan yasake qarawa halittarta ado,bata dawani kauri ko kadan,don haka bakayi kuskure ba idan ka kirata da siririya.

Shekararta ashirin da uku,duka duka shekara biyu kacal abdul'azeez yabata,saidai yanayin kwarjini haiba da cikar saiffa yasa zakayi tsammani yabata shekara kusan goma ne.

Tana masifar son abdul'azeez,don kusanma tafishi farinciki da hadin da akayi musu,duk da cewa tana qoqarin nuna darajarta ta mace,tana danne soyayyar da take masan,abdul'azeez yacika duk wani buri nata kan aure,hakan yasanya tariqeshi da dukkan iyawarta da dabarunta na diya mace.

Balaifi,tayi tasiri a zuciyar abdul'azeez din,duk da miskilancinsa kan hanashi maida mata martani yadda yakamata,ita kuma hakan yana masifar takurata,soyayya takeso suyi tuquru bawai ta lalacewa ba,aah soyayya irinta turawa wanda ako ina basa iya boye abinda ke zuciyarsu.

Mahaifiyarta na daya daga cikin jerin gwanon qawayen fulani aisha da tasu tazo daya,cikin burikanta na ganin ta gina rayuwar abdul'azeez din da ingantattun dirkoki tako wanne bangare yasa taga babu diyar data dace da abdul'azeez din sai safwa,tana yiwa mahaifiyarta tayi kuwa babu jinkiri ta amince da hakan.

Akwai banbancin halaye da dabi'u masu yawa tsakaninsa da safwa,saidai dukkaninsu basu daukesu a wani abu can dazai kawowa relationship dinsu cikas ba.

"Abdul'azeez dakai nake fa?" Ammi tasake tambayarsa bayan wasu mintuna dayin shurunsa,dazai iya,dakuma zai yiwu daya gaya mata mawuyacin halin da yake shiga aduk sanda zaiyi doguwar hira da safwa,wanda wannan shine babban dalilinsa na qaurace mata

"Akwai dalili ammi,amma banyi saboda wata manufa data sabawa tsarinki ba...."

"To banaso,ban kuma son naji wani abu mai kama da matsala tsakaninka da ita"

"Ayimin afuwa,in sha Allahu za'a gyara" ajiyar zuciya tasaki,yana daya daga cikin abinda yasa take qaunar abdul'azeez,bai taba tsallakewa umarninta,idan ta nuna tanason abu yakan fita sonshi,baya yarda koya bari wani abu ya bata ranta akanshi

"Allah ya albarkaci rayuwarka,ya baka zuriya ingantacciya wadda zata bika fiye da yadda kake mana"

"Amin ammi,na gode"

Ganin lokaci yadan ja yasanya ya haqure da fitar,yabarshi idan sufyan ya iso sa fita tare,sai yazarce sassansa don ya kwanta yahuta kafin sufyan din ya iso.

7/11/21, 4:29 PM - My Mtn Number: *ZAFAFA BIYAR 2021*

*_DANDANO DAGA LITTAFIN_*

*SIRAÆŠIN RAYUWAR BILKISU*

*Tare Da AlÆ™alamin*

*_SAFIYYA HUGUMA_*

Tamkar mutum mutimi haka take zaune cikin falon gidan,daga kunnuwanta har idanuwanta basa iya ganin komai,basa kuma gane kome face mai rayuwarta ta gaba zata haifar mata.

Hannunta na dama dunqule yake da takardar data zamto tamkar wani mubudi ne na rayuwarta ta gaba,takarda ce da saqon dake ciki take jinsa daidai da saqon ranar mutuwarta,riqonta kawai zafi yake mata tun daga tafin hannunta har zuwa qwaqwalwa da zuciyarta,yakuma zarce zuwa ilahirin jikinta gaba daya.

Duk da cewa tana tsammanin zuwan ranar,duk da cewa tasan cewa lallai lallai komai daren dadewa irin wannan ranar tana tafe,takuma shirya zuwanta tun daga ranar da aka soma lissafin kasantuwar kwanakin har zuwa randa zata risketa,saidai batasan me yasa ba,meye dalilin data tabata har haka ba,batasan meye dalilin da jikinta da zuciyarta suka girgiza har haka ba,sabone?,ko kuwa tunanin me gobenta zata haifar mata ne?,meye matsayinta meye sakamakon rayuwarta?,wanne sabon shafin zata bude?

Karo na qarshe ladingo tafito tafito da akwatinta da take jin shine abu na qarshe a cikin dakin data mallaka,ta qarasa inda take aje musu kayansu shima ta ajeshi,ta qarasa gaban bilkisu ta tsaya cikin rusunawa

"An gama fitar da komai,ance jirgin qarfe biyu zamu bi,yanzu haka mai motar dazai daukemu zuwa filin jirgin yana kan hanya...."

Qwaqwalwarta tajiyo wani sashe na maganarta,saidai bata fahinta duka ba,cikin jimla guda ta tattara maganartata,qwaqwalwarta ta aika mata da saqon

"Tafiya zakuyi,zaku koma nigeria,zaki kuma cikin gidanku".

Tamkar wadda ake bawa umarni sai kawai tamiqe,cikin qarfin hali tasanya hannu tagyara zaman qaramin hijabinta,kana tasoma takawa a hankali kamar mai tafiya saman qayoyin da aka shimfidawa hanyarta tayi hanyar bedroom din daya zama shine matattarar dukka wani tarihi nata.

Idan ka kalleta a sannan zaka iya rantsewa tashigo dakinne tana son fayyace da ainihin qasar wanne waje aka gina dakin saboda yadda takebin kowacce kusurwa ta dakin da kallo sama zuwa qasa da kallo har na tsahon wasu daqiqu.

Sauke idanunta tayi awani sashe can na dakin,tasoma takawa a hankali kamar wadda maganadisu yake janta zuwa arean,tasa hannu tasoma shafa wajen,yana yawan tsaiwa a wajen duk da cewa cikin duhu take ganinsa,yana son wajen sosai duk da bata taba ganinsa muraran ba,saita sake matsawa da jikinta wajen,ta lumshe idanunta tana shaqar daddadan qamshin da wajen yake fitarwa,tabbas qamshinsa ne,abinda duk cikin rayuwar datayi mai kama da mafarki tafi riqewa,saikuma qaqqarfar ajiyar zuciya wadda tasaka dukkan gabbanta suka saki,hawayen da uta kanta batasan na meye ba suka ziraro daga idonta guda daya.

Kamar wadda aka tsikara tajuya da sauri tanufi qofar ficewa daga dakin,dakin da zuwa yanzu yakoma zallar kangonshi babu komai ciki tamkar wasu rayuka basu taba wanzuwa a ciki ba,batasan inda kayan suka koma ba tunda dama ba mallakinta bane.

Girgiza kanta take dasauri tana gayawa kanta,tabbas bata tsira da komai ba,babu abinda ta tsira dashi koda kuwa hoton fuskarsa ta zahiri ne face ragowar qamshinsa daya barwa hancinta da qwaqwalwarta tabonsa.

Cak ta tsaya tana duban gabanta,kana ta duqa a hankali takai hannunta tadauki zoben daya dauki hankalinta qwarai,zobene da tasha ganinsa a yatsunsa,abun guda daya tak datake iya banbance dangane da duk wani abu daya shafeshi,cikin sauri tadauki zoben ta damqe a hannunta kana cikin sassarfa tafice daga dakin ta zarce da ficewa daga gidanma gaba daya don tanaji cewa izuwa yanzu itama ya kamata ta yanke dukka sauran abinda yayi saura.

Tanajin ladingo na mata magana saidai bata ko tsaya ba bare ta waiwayo ta dubeta,fatanta shine ta raba kanta da komai daya wanzu a shekara guda,ta yanke dukkan wani abu dake da alaqa da shekarar........

*_tofa masu karatu!!!,daya daga cikin rukunin gungun ZAFAFA BIYAR KENAN!,WADANDA ZASU ZO MUKU DAGA ZAFAFAN MARUBUTANKU NA MUSAMMAN,SAURAN SUNE KAMAR HAKA_*

SARAN BOYE

_BILLYN ABDUL_

ABINDA KE CIKIN ZUCIYA

_HAFSAT RANO_

MIN Æ˜ALB

_MAMUHGHEE_

KIBIYAR AJALI

_MISS XOXO_

Duka BIYAR 5 zaku samesu akan garabasar naira 700 kacal,

Guda hudu 4 Kuma 500,

Guda uku 3 Kuma 450,

Guda biyu 2 Kuma 400,

Guda daya akan 300.

Ma'ana

Each one is 300

2 is 400

3 is 450

4 is 500

5 is 700

Zaku biya kudinku acikin wannan asusun namu na bankiðŸ‘‡ðŸ‘‡

ACCOUNT NO- *0812652655*

ACCOUNT NAME- *HAFSAT LAWAN GAMBO*

BANK NAME: *ACCESS BANK*

saiku turawa wannnan numban shedan biyanku(evidence of payment)ðŸ‘‡ðŸ‘‡

Â 0903Â 234Â 5899

IDAN KUMA KATIN WAYANE KO VTU/TRANSFER ZAKU TURA TA WANNAN NUMBER TAREDA SHEDARKUðŸ‘‡ðŸ‘‡

09033181070

Karku Bari ayi Babu ku domin wannnan salon na daban ne

SABUWAR SHEKARA

SABON SALO

TEAM#ZAFAFABIYARðŸ”¥